Aumingjalegt af Katrínu

Þetta er nú harla klént af forsætisráðherranum og spurning hvort Katrín sé ekki hreinlega að segja ósatt þegar hún fullyrðir að það hafi alltaf legið fyr­ir frá því að rík­is­stjórn­in var mynduð að hátekjuskatt­ur yrði ekki sett­ur á.

A.m.k. var annað hljóð í henni 25. október í fyrra, í sambandi við að Framsóknarráðherrann Ásmundur Einar Daðason sagðist vera fylgjandi hátekjuskatti.
Já, merkilegt að Framsókn sé orðið róttækari en VG í tekjujöfnunarmálum.

Þá sagði Katrín að hátekjuskatturinn sé ekki kominn til umræðu. Ekkert um það að hann kæmi ekki til greina eins og hún fullyrðir nú!!

Einnig má benda á að samningaviðræður um myndun nýrrar "vinstri" stjórnar haustið 2016 strandaði á því að Viðreisn vildi ekki hátekjuskatt, sem VG hafði sett á oddi í stjórnarmyndunarviðræðunum. Einnig vildi VG hækka fjármagnstekjuskatt og setja aftur á stóreignaskatt.

Nú er hins vegar annað hljóð í strokknum þrátt fyrir að upp sé komið gullið tækifæri til að koma á helsta baráttumáli VG til tekjujöfnunar, nú með stuðningi nær allrar verkalýðshreyfingarinnar!

Er Bjarni Ben með svona miklu betri nærveru en Þorsteinn Víglundsson?

 

 

 

Frekari breytingar ekki í boði