Hvað ætli menn eins og Aron Elís þurfi að gera til að komast í landsliðið?

Íslensku landsliðsþjálfararnir, sama hvort það sé fullorðins- eða 21 ára liðsins, breyta alls ekki liðum sínum, velja sömu leikmenn hvað eftir annað alveg sama hvernig þeir eru að standa sig - og horfa algjörlega framhjá þeim sem eru að spila vel. Þessu er ekki einu sinni breytt þó að menn dragi sig úr upprunalega hópnum .

Aron Elís er gott dæmi um þetta. Hann spilar reglulega núorðið í bestu deildinni á Norðurlöndunum en er ekki valinn í a-liðið, þrátt fyrir að ekki sé úr miklu úrvali að velja vegna þess að 21 árs liðið er að spila á sama tíma.

Þar eru auðvitað menn sem í raun réttri ættu að vera í a-liðinu en eru þar sem betur fer ekki, því miklu meiri líkur eru á góðri frammistöðu hjá yngra liðinu. Þetta eru einnig leikmenn í Danmörku, svo sem Jón Dagur og Mikael, sem tvímælalaust eiga heima í fullorðinsliðinu.

Ef þjálfarar atvinnufélagsliða úti í hinum stóra heimi höguðu sér svona yrðu þeir reknir á stundinni og það áður en þeir fengju að stjórna liði sínu í einum einasta leik.

 

Aron Elís í liði umferðarinnar