Illa meðvirkur þessi yfirlögregluþjónn

En kannski er hann bara svona latur og værukær.
Þessi gagnrýni á lítið eftirlit með komufarþegum uppá Velli er löngu komin fram en ekkert gert í málinu.
Lengi hefur verið í umræðunni að koma á rútuferðum til að koma í veg fyrir að fólk sé að svindla á sóttvörnum við komuna til landsins en það hafa verið orðin tóm til þessa.

Þá var hávær umræða fyrir nokkru um að komufólk tæki leigubíla niður í Keflavík þar sem vinir og/eða ættingjar biðu til að aka þeim í bæinn (til að slík ferð kosti ekki aleiguna). Þetta þyrfti að stöðva. Þá brugðust auðvitað leigubílstjórar ókvæða við og mótmæltu slíku!

Sóttvarnarlæknir tekur í raun undir þetta eftirlitsleysi með því að segja að "við" berum hvert og eitt ábyrgð og verðum að huga sjálf að eigin sóttvörnum.
"Við" erum þá líklega þeir sem ekkert eru að ferðast eða svindla á hlutunum, en þeir sem það gera eru auðvitað alveg stikkfrí.
Svo skilst mér að hertar reglur á "landamærunum" eigi fyrst að koma til 1. maí, en við síðustu smitbylgju var öllu skellt í lás hér innanlands án nokkurs fyrirvara!

Kári Stefáns benti á mál sem ekki má tala um, þ.e. ferðir Pólverja hingað til lands til að sækja sér atvinnuleysisbætur þrátt fyrir að búa ytra og hafa jafnvel aðeins unnið hér í smá tíma. Þessu var reyndar mótmælt en vitað er að ekkert eftirlit er með því hvar þeir sem þiggja atvinnuleysisbætur eru búsettir - og geta þess vegna flestir verið heima hjá sér í Póllandi (en það eru farandverkamennirnir flestir).

Þetta eftirlitsleysi - og þöggun um það hvaða fólk þetta er sem er að koma til landsins (oft um 500 manns á dag) - er því sárara eftir því sem landsmenn þurfa að taka á sig meiri búsifjar vegna veirunnar sem streymir inn í landið.

Tekið skal frá að mesta smitið í Evrópu er í Póllandi, eða 716,7 smit á 100.000 íbúa, meðan smit hér innanlands er 15,1 á sama fjölda. Það munar um minna.

Er því ekki full ástæða til að loka alfarið á ferðir fólks hingað til lands frá þessu langsýktasta landi Evrópu - og það strax?

Mikill fjöldi sóttur á flugvöllinn