ESB-draumurinn úti?

Hætt er við að Evrópusambandsdraumur Viðreisnarstjórnarinnar sé að snúast upp í martröð við þessi tíðindi. Með aðild munu tollar á útflutningsvörum okkar Íslendinga til Bandaríkjanna hækka um 10% (úr 10 í 20). Kannski ekki mikið en nóg samt ef miðað er við harmakveinið sem heyrist frá ESB vegna þessara tollahækkana Bandaríkjastjórnar.
Svo hótar mafían í Brussel hefndartollum þannig að tollar á vörum þaðan munu eflaust snarhækka ef af þessu tollastríði verður.
Annars er þessi umræða hin undarlegasta, en svo sem ekkert öðruvísi en vanalega. Engin rannsóknarvinna hjá fjölmiðlum - og ekki hjálpa pólitíkusarnir til.
Einungis upphrópanir um hve Trump er vondur og er að setja allt í bál og brand.

Samt virðist sem tollar á vörum frá Bandaríkjunum til Evrópu séu enn miklu hærri en í hina áttina. Hækkunin sé aðeins helmingur af þeim tollum sem vörur þaðan þurfa að sæta. 
Þetta á einnig við hér á landi. Engar upplýsingar til almennings um hve háir tollar eru á innfluttum vörum frá Bandaríkjunum. Miklu hærri en 10%?

Tollar Trumps: Samanburður á Íslandi og vinaþjóðum