Er ekki kominn tími á Veigar í landsliðið?

Veigar Páll er eitthvert heitasta nafnið í norskum fótbolta þessa leiktíð- og reyndar einnig í fyrra. Hann hefur skorað ótal mörk, lagt um fjölmörg önnur og sagður burðarásinn í sóknarleik Stabæk-líðsins, sem allir sem til þekkja viðurkenna að sé skemmtilegasta sóknarliðið í norsku deildinni. Það er ekki dónalegt því þetta er silfurliðið í mjög sterkri deild, eins og frammistaða Rosenborg og Brann í Evrópukeppninni sýnir.

Þrátt fyrir þetta gat Eyjólfur Sverrisson fyrrverandi landsliðsþjálfari ekki notað Veigar í liðið, sama hve liðinu gekk illa - og sama hvað andstæðingarnir voru lélegir.

Nú er kominn nýr þjálfari en eru þar með komnir nýjir tímar?

Það kemur í ljós þegar landsliðshópurinn gegn Dönum verður valinn nú seinna í mánuðinum. Verður Veigar í hópnum og fær hann eitthvað að spila? Ég leyfi mér að fullyrða að þetta atriði sýni hvort nýi þjálfarinn hafi einhvern metnað með liðið eða hvort hann ætli einungis að leggjast í vörn með það eins og Jolli gerði. Því miður er ég hræddur um að hið síðara verði raunin. 

 

Veigar skoraði tvö í lokaumferðinni

Athugasemdir

[Svenni (IP-tala skráð) 4.11.2007 kl. 13:14]

Algerlega sammála... drengurinn er stórstjarna í mjög sterkri deild og hann ætti að vera fastamaður í landsliðinu. Ótrúleg frammistaða