Allt í þessu fína?

Enn láta fjármálamenn hér á landi eins og allt sé í þessu fína hjá þeim. Nú síðast kom fram að íslensku bankarnir þurfa að greiða 600 milljarðar íslenskra króna, sem gjaldfalla á árinu 2008. Bankamennirnir láta þó eins og það sé ekkert mál, sjá http://visir.is/article/20080105/VIDSKIPTI/101050147

Danir eru að gera grín að belgingnum í Íslendingunum og benda á að nú sé ekki eins hagstætt að taka lán og áður. Íslenska uppsveiflan hafi byggst á ódýru lánsfé en nú sé komið að skuldadögunum. Lánsfé sé ekki lengur aðgengilegt enda hafa stærstu bankar í heimi tapað stórfé upp á síðkastið. Þá hefur kostnaðurinn við lántökur stóraukist með hækkandi vöxtum.

Í grein í danska Börsinum er sagt frá íslenska eldfjallinu eins og útrásin er kölluð og því spáð að fjallið mun brátt fara að gjósa vegna þeirra spennu sem hefur hlaðist upp vegna breyttra aðstæðna á lánamarkaðinum (sjá http://www.business.dk/article/20071215/finans/712150048/)

Í greininni er þeir Björgólfur Þór og Jón Ásgeir bornir saman og bent á að ólíkt hafist þeir að. Jón Ásgeir haldi áfram að fjárfesta þrátt fyrir gífurlegt tap víða, svo sem á kaupunum á Debenhams, en Björgólfur haldi að sér höndum og selji frekar en kaupi.

Í annarri grein í blaðinu er því spáð að árið í ár verði FL Group mjög erfitt, jafnvel að fyrirtækið fari á hausinn.

Ekki búist við gengislækkun

Athugasemdir

[gfs (IP-tala skráð) 6.1.2008 kl. 12:13]

Er ekki Björgólfur að fjárfesta í Elisa í Finnlandi............?  ef þeir sjá tækifæri þá.....

[Torfi Stefánsson (IP-tala skráð) 6.1.2008 kl. 21:41]

Jú þetta hafa nú verið svörin hjá íslensku útrásarmönnunum þegar fjölmiðlarnir eru að spyrja þá - og því trúað eins og nýju neti. Danir eru bara öfundsjúkir út í okkur. Það sem mér finnst vanta er greining á hvernig hin raunverulega staða er, en ekki bara eitthvert viðtalið við þá sem eiga hagsmuni að gæta: leyfa þeim að sverja allt af sér án þess að spyrja gagnrýninna spurninga sem heitið geti.

Það er amk alveg ljóst að Baugur og Jón Ásgeir hafa verið að tapa stórfé allt undanfarið ár, líka áður en kreppan byrjaði. Þeir hafa tapað stórfé bæði á Bretlandi og í Danmörku, sérstaklega þó á Bretlandi. Ég man ekki til þess að um það sé fjallað í íslenskum fjölmiðlum.

Þá finnst mér nokkuð hæpið að fyrrum blaðafulltrúin Jóns Ásgeirs (eða hvað sem hann var nú), Sindri Sindrason, skuli vera sá fréttamaður á Stöð 2 sem fjallar um viðskiptalífið. Tengsl hans við Jón Ásgeir eru alltof mikil og náin til þess að slíkt sé ásættanlegt. 

Þá er og spurning um fleiri "viðskipta"fréttamenn og tengsl þeirra við hagsmunaaðila í þeim geira. Mér finnst siðferðishliðin á þeim málum vera nokkuð hæpin - að fréttaflutningurinn litist af þeim tengslum.

Amk er hart að þurfa að lesa danskar viðskiptasíður til að komast að raunverulegri stöðu íslenskra útrásarfyrirtækja. 

[Magnus Jonsson (IP-tala skráð) 7.1.2008 kl. 07:37]

Ef að Jon Asgeir lifir þetta af verður honum orugglega hampað sem hetju i skolabokum framtiðarinnar, ef ekki þa er oruggt að karlinn er með milljarða a einkareikning einhverstaðar til að eiga ahyggjulaust ævikvöld.

En rett er það að frettir og gagryni a islenskt fjarmalalif finnst manni litað haf hagsmunum.

Eiga þessir kongar ekki allt media a Islandi þannig að hver þorir að segja eitthvað um þessa menn ennað en að sla þeim gullhamra. Ef að blaðamaður á Islandi er rekinn hvar á hann að fá vinnu? 

[Jóhannes Snævar Haraldsson, 7.1.2008 kl. 11:29]

 Fyndnast er að einhver skuli enn leita til greiningadeilda íslensku viðskipta bankanna til að fá álit eins og þetta. Maður hefði nú haldið að þeir væru búnir að gera það vel upp á bak síðustu misserin að enginn nennti að leita þeirra álits.

 En svona þvælu sitjum við aumingjarnir uppi með. Annar af bankastjórum Landsbankans kom í viðtal í fjölmiðli um helgina og tjáði okkur það álit sitt að hlutabréf myndu hækka í verði um allt að 20% á árinu. Það vantar ekki hrokann í liðið.

 Staðreindin í þessu öllu er að hagvöxtur vesturlanda síðustu ár var byggður á gríðarlegum byggingaframkvæmdum, og þá mest íbúðarbyggingum. Allir vita að þeir í USA eru búnir að átta sig á þessu og hafa komist að þeirri staðreynd að fólkið sem keypti húsin getur ekki borgað. Við fáum af því fréttir að íbúðaverð í Köben hafi lækkað talsvert (meira að segja í íslenskum fjölmiðlum)og þannig er ástatt víðar i Evrópu.

Það er nákvæmlega það sama uppi á teningnum hér á 'Islandi. Við héldum þessum vexti gangandi á húsnæðisbyggingum á höfuðborgarsvæðinu og erum að fara inn í sama ferlið og í USA. Liðið getur ekki borgað.      Við eigum bara eftir að átta okkur á því sem þjóð. Þeir síðustu sem við þörfnumst álits frá í þeim efnum eru greiningadeildir bankanna.