Hrunið í USA

Enn einu sinni verður maður vitni að sérkennilegum fréttaflutningi í íslenskum fjölmiðlum um ástandið á fjármálamörkuðum heimsins. Þar er þögnin æpandi um hið alvarlega ástand sem þar ríkir.

Ég hefði viljað sjá frétt sem segir okkur hvers vegna bandaríski seðlabankinn dælir enn fé inn á markaðinn.

Enn verður maður að fara í erlenda fjölmiðla til að sjá ástæðuna, sjá t.d. hér: http://e24.no/utenriks/article2182212.ece#AF

Þar kemur fram að staða hlutabréfamarkaðarins  í USA hafi ekki verið verri í byrjun árs síðan í kreppunni miklu eða árið 1932. Fallið er allt að 6% á nokkrum dögum. Ástæðan er sögð slæmar horfur í atvinnumálum, minnkandi kaupgeta almennings - og svo það sem hefur einkennt ástandið síðara hluta ársins, slæm staða á húsnæðismarkaðinum og sífelld hækkun olíuverðs.

Í Evrópu og Asíu hafa menn miklar áhyggur af að þetta ástand kunni að breiðast út og ná einnig til annarra heimshluta - enda sé slíkt eðlilegt. Því eru raddir um nýja heimskreppu að verða sífellt háværari, kreppu eins og var í lok þriðja áratugar síðustu aldar og á þeim fjórða.

Af hverju heyrist ekki meira í slíkum varnaðarröddum hér á landi? 

Seðlabankinn bandaríski dælir meiru inn

Athugasemdir

[Haukur Nikulásson, 7.1.2008 kl. 09:05]

Ég hef lengi haft áhyggjur af stóru bakslagi eða hruni vegna þess að íslenska efnahagsundrið hefur verið fjármagnað með erlendum sambankalánum. Eftir einkavæðinguna höfðu íslensku bankarnir óbilandi lánstraust erlendis vegna góðrar skuldasögu ríkisbankanna.

Það er eitthvað svo stórkostlega bilað að hagvöxturinn hér er eiginlega bara tilkominn vegna gríðarlegrar óráðsíu og lántöku. Ég hef ekki orðið var við neina sérstaka verðmætasköpun. Þetta lánsfé dældist inn í hagkerfið og það eru aðilar eins og byggingarfélög og fleiri sem taka gróðann úr þessu og svo kemur bara að skuldadögum.

Þetta ræðir helst enginn málsmetandi maður vegna þess að enginn vill hér láta saka sig um að "kjafta niður" þessa tálsýn um íslenska efnahagsundrið. Það er nóg að Den Danske Bank "bulli" um þetta öðru hvoru.

[Jóhannes Snævar Haraldsson, 7.1.2008 kl. 11:51]

Já það virðast bara vera svona venjulegir jólar eins og við sem sjáum einhver hættumerki. Kannski er það vegna þess að maður kann ekkert nema eldhúsborðs bókhald. Þessir sérfræðingar eru búnir að spila rekstur upp í svo mikinn loddaraskap, þó þetta sé ekkert öðruvísi en heimilisbókhaldið okkar. Tekjurnar helst að vera hærri en útgjöldin, allavega til langs tíma.

Muniði eftir Flugleiðum á tímabili, nokkrum árum eftir að félagið þurfti síðast ríkisaðstoð til að verða ekki gjaldþrota þá voru skyndilega þar inni einhver ótrúleg "dulin verðmæti" sem orsökuðu stanslausa hækkun á hlutafénu.

Hafiði spáð í SPRON? Einhverjir snillingar tóku að sér að verðmeta þá. (Capacent ef ég man rétt) Nokkrum vikum eftir að þeir komu á markað eru bréfin hrunin um meira en helming.

Vantar ykkur fjármálaráðgjafa? Hafið þið áhuga að leita til Capacent?