152 ára verksmiðja!

Já, það er ekki að spyrja að fréttaflutningnum af íslensku útrásinni og hvernig þeir mala gullið sí og æ.

Nú síðast  er það jú gróði Baugsmanna af að selja Ceresverkmiðjurnar í Árósum sem hafa verið starfræktar þar í 152 ár eða frá árinu 1856. Verksmiðjurnar framleiða m.a. hinn fræga Royal export bjór.

Það á að græða svo mikið á lóðinni. Ekkert kemur hins vegar fram í fréttinni hvað margir missa vinnuna við þetta en um það má lesa í dönskum fjölmiðlum. Alls eru það um 200 manns sem missa vinnuna en að auki hefur um 300 manns þegar verið sagt upp upp í Óðinsvéum og við Maribo-bruggverksmiðjuna sem margir kannast við (sjá http://www.business.dk/article/20080107/nyhedsoversigt/801070312/) - allt við rationaliseringu!

Já, spákaupmennska  íslensku útrásarmannanna er ekki eins falleg í raun og sú mynd sem dregin er upp af henni í íslensku fjölmiðlunum. Þar ráða kaldir viðskiptahagsmunir en gefið skít í atvinnuöryggi fólks. Ekki man ég hvað þetta kallast upp á amerísku en maður hefur jú horft á fjölda mynda þaðan um slík fyrirbæri - og ekki einu sinni á þeim bæ þykir par gott. 

Skyldi fjölmiðlamönnunum sem skrifa um þennan snjalla leik þeirra Baugsmanna hafa verið boðið í brúðkaup aldarinnar og eru nú að borga greiðann?

Royal Unibrew ætlar að loka verksmiðju

Athugasemdir

[Heimir Lárusson Fjeldsted, 7.1.2008 kl. 21:13]

365 miðlar Baugs á Íslandi og nágrenni (með áherslu á ná) munu greina frá harmleik þeirra hundruða manna sem missa vinnuna. Vertu viss.