Athyglisverð frétt

Já, hún er athyglisverð fréttin um Ólaf Inga, ekki síst í ljósi þess að fyrrverandi landsliðsþjálfari, Eyjólfur Sverrisson, gat ekki notað hann í landsliðið.

Kaupverðið, sem talað er um að gríska liðið vilji borga fyrir hann, er með því hæsta sem hefur heyrst fyrir knattspyrnumann sem spilar á Norðurlöndunum, eða yfir tífalt hærra en þeir fara á milli liða þar í landi.

Auk þess kemur fram að Helsingborg vilji helst ekki selja hann, þrátt yfir þetta góða tilboð, því ætlunin sé að byggja liðið upp í kringum hann! Tekið skal fram að Helsingborg komst langt í UEFA-keppninni í vetur og að í liðinu spilar enginn annar en goðsögnin Henke, Henrik Larsson! 

Við skulum bara vona að nýr landsliðsþjálfari hafi vit á að byggja landsliðið upp í kringum menn eins og Ólaf Inga og Stefán Gíslason, fyrirliða Bröndby, en falli ekki í þann fúla pytt fyrrverandi þjálfara að telja sig ekki getað notað þá. 

PAOK Saloniki vill fá Ólaf Inga