Athyglisverð fréttatilkynning

Já það gildir greinilega ekki sama um Jón og séra Jón hjá ráðherrum Samfylkingarinnar.

Fréttatilkynningin um að ráðherra ætli að taka upp mánnréttindamál í viðræðum sínum við kínverska ráðamen og að það sé þjóðréttarleg skylda Kínverja að virða mannréttindi í Tíbet, skýtur nokkuð skökku við ferð formanns Samfylkingarinnar til Bandaríkjanna nú á sömu dögum.

Í fréttum sjónvarps varð maður vitni að miklum kærleikum með Ingibjörgu Sólrúnu og Rice, utanríkisráðherra Bandaríkjanna. Rice var tíðrætt um hve góðir bandamenn þeirra Íslendingar væru - og virtist Ingibjörg ekkert kunna því illa - heldur þvert á móti. Hún brosti sínu blíðasta svo minnti á kossaflensið við Geir í fyrra.

Ekkert kom heldur fram um að hún hafi gert athugasemd við innrás Bandraíkjamanna í Írak né hersetu þeirra þar, og í Afganistan, og ekkert um stuðning þeirra við ofbeldi Ísraela á hendur nágrannaþjóðum sínum.

En skyndilega þegar komið er til þjóðar af öðrum kynstofni og öðru kerfi (þó það byggist á jafnaðarmennsku) þá kemur annað hljóð í skrokkinn.

Skyldi vera hér illa dulinn rasismi á ferð eða er þetta bara enn eitt dæmið um tækifærismennsku Samfylkingarinnar?

Viðskiptaráðherra fer til Kína í dag

Athugasemdir

[Árni Gunnarsson, 13.4.2008 kl. 09:34]

Þetta með hljóðið í skrokknum er orðið óþarflega föst vitleysa í málfari fólks sem langar til að tengja sig gömlum orðtækjum.

Upprunalega er þetta nú: "komið annað hljóð í strokkinn."