Slakt íslenskt landslið

Mér sýnist nú að íslenska karlafótboltalandsliðið er á engri leið, nema þá kannski afturábak. Liðið var arfaslakt í gær, engin skapandi hugsun að baki leik liðsins, hugmyndaleysið algjört. Það var helst Indriði Sigurðsson sem var að gera eitthvað af viti, hélt bolta vel, var vel hreyfanlegur og átti ágætar sendingar. Hann átti auðvitað ekki að vera með, var ekki valinn í hópinn fyrr en á síðustu stundu og spilaði svo allan leikinn!

Valið á liðinu var þannig að landsliðsþjálfarinn er engu nær um það hverjir eigi að spila í alvörulandsleikjunum í haust. Hann notaði unga stráka mikið, stráka sem ekkert hafa fengið að spila með liðum sínum. Aron Gunnarsson, sem var látinn bera mikla ábyrgð á miðsvæðinu, hefur t.d. ekki einu sinni setið á bekknum hjá AZ Alkmaar í vetur!

Nei, hér var b- eða c- landslið Íslands að spila og full af mönnum lítið eða ekkert notaðir sem ættu að vera gefnir í byrjunarliðinu. Helgi Valur kom t.d. ekki inná fyrr en á 60. mínútu en hafði auðvitað átt að byrja leikinn. Hannes Þ. er að spila mjög vel úti í Svíþjóð en byrjaði á bekknum en Stefán Þórðarson var í byrjunarliðinu! 

Vörnin var hins vegar þokkalega enda tveir af þeim mönnum sem helst til greina koma í a-landsliðið að spila þar, Indriði og Kristján Örn. Annars var Atli Sveinn einnig góður og kemur svo sem til greina sem varamaður í a-liðið. Birkir Már átti þokkalega spretti en átti í miklum vandræðum varnarlega. Miðjan var mjög slök, sama hvað hver segir og sóknin fékk enga almennilega bolta.

Menn eins og Gunnar Heiðar og Emil eru greinilega í engri leikæfingu enda varamenn hjá liðum sínum ytra og fá lítið að spila. Þeir hafa ekkert að gera í a-landsliðið. Pálma Rafn nenndi ég nú ekki einu sinni að ræða, svo vitlaust sem það er að velja hann í liðið!

Nei. Nú þarf landsliðsþjálfarinn að fá fleiri vináttulandsleiki fyrir haustið og velja alvörufótboltamenn í liðið. Annars er mjög hætt við að illa fari.

Þetta er besti hópurinn (Ívar gefur örugglega kost á sér aftur fyrst Reading féll). Leyfum strákunum (Aroni og Arnór) að fá meiri reynslu með að nota þá fyrst í 21 árs liðinu: 

Fjalar Þorgeirsson, Árni Gautur Arason 

Grétar Rafn Steinsson, Bolton, Kristján Örn Sigurðsson, Brann, Ívar Ingimarsson, Reading, Ragnar Sigurðsson, Gautaborg , Hermann Hreiðarsson, Portsmouth, Indriði Sigurðsson, Lyn, Hjálmar Jónsson, Gautaborg

Helgi Valur Daníelsson, Elfsborg , Kári Árnason, AGF, Theódór Elmar Bjarnason, Lyn, Arnar Viðarsson, De Graafschap, Stefán Gíslason, Bröndby , Eggert Jónsson, Hearts, Rúrik Gíslason, Viborg, Gylfi Einarsson, Brann

Veigar Páll Gunnarsson, Stabæk, Hannes Þ. Sigurðsson, Sundsvall , Garðar Jóhannsson, Fredrikstad, Eiður Smári Guðjónsen, Barcelona

 

„Nýttum ekki færin“