Stórhættuleg skepna!!

Já, mamma gamla, mædd af sundi og langri ævi, var svo hættuleg í augum hinna hugrökku, ungu og görfulegu lögreglumanna á staðnum að það eina sem þeim datt í hug, eftir að hún fór að bæra á sér, var að skjót´ana!

Hún hefur örugglega verið að leita af stráknum sínum sem hvarf henni fyrir um tveimur vikum. Nú sameinast þau líklega hjá uppstoppunarmeisturunum á Akureyri áður en þau halda í sitt hvora áttina, strákurinn á Krókinn en mamman til Stokkseyrar.

Það er merkileg tilviljun að  forstöðumaður Náttúrustofu Norðurlands vestra og stofnun hans nýtur góðs af stráknum en forstöðumaður Náttúrustofnunar Íslands, Jón Gunnar Óttóson (og eiginmaður krataleiðtogans gamla Margrétar Frímannsdóttur), góðs af mömmunni en hann býr jú á Stokkseyri eins og margir vita.

Þá er bara spurning hvort forstöðumaður Náttúrustofu Norðurlands vestra sé krati, já og lögreglustjórinn á Króknum, rétt eins og Jón Gunnar - og eins og umhverfisráðherrann?

Ísbjörninn ekki í góðu ásigkomulagi

Athugasemdir

[Gilla (IP-tala skráð) 18.6.2008 kl. 17:09]

Það er með ólíkindum hvað er hægt að blanda pólitík inní allar umræður.

Sé ekki hvað pólitíkin kemur þessu máli við,enda hef ég hálfgerða skömm á pólitík

[Jón Ingi Cæsarsson, 18.6.2008 kl. 17:09]

hehe...þessar kratakenningar eru skemmtilegar...

Margrét Frímannsdóttir var formaður Alþýðubandalagsins.. einhver allaballi veltir sér í gröfinni ef hann vissi að unglingar nútímans kölluð gömlu sossana í Alþýðubandalaginu "krata"

Það var svo á seinni tímum sem Margrét og Jón mættu til leiks með Samfylkingunni en þeir sem þar eru innanborðs hafa enn ekki fengið virðingartitilinn "kratar" í þess orðs merkingu.

Skemmilegt hvernig menn eru að reyna að gera ísbirnina flokksbundna á Íslandi.... líklegast er að þeir séu í stjórnmálaflokki á Grænlandi enda gestir hér á landi

[Jón Ingi Cæsarsson, 18.6.2008 kl. 17:23]

 Hvítabjörninn er stærsta núlifandi rándýr sem fyrirfinnst á landi. Hann er um tvisvar sinnum þyngri en Síberíutígrar og ljón. Flest karldýrin eru um 400 til 600 kíló að þyngd, en geta náð allt að 800 kg þyngd. Stærsti hvítabjörn sem viktaður hefur verið var veiddur í Alaska árið 1960. Hann var um 880 kg og uppreistur var hann 3,38 metrar

Í dýragörðum eru ísbirnir taldir mjög hættulegir og óábyggilegir. Það er aldrei hægt að vita hverju þeir taka upp á. Þeir bindast aldrei vináttuböndum við starfsmenn eins og mörg önnur dýr gera. Þeir rjúka oft upp í ofsa ef þeir eru truflaðir og eru taldir hættulegustu rándýrin í görðunum. Gagnstætt skógarbjörnum er erfitt að ala ísbirni upp í dýragörðum. Það kemur fyrir að móðir afneitar húnum sínum og ræðst á þá, drepur og étur.

Til fróðleiks.... úr alfræðinni.