Ráðherra segi af sér

Nú berast þær fréttir að orkumálaráðherra Noregs hafi verið að segja af sér vegna mála sem komu starfi hennar sem ráðherra ekkert við.

Umhverfisráðherra okkar situr hins vegar sem fastast í sæti sínu þrátt yfir að hafa stuðlað að því í tvígang að brotin voru umhverfislög, þ.e. lög hennar eigin ráðuneytis. Í lögunum segir nefnilega að ekki megi drepa hvítabirni nema "brýn nauðsyn" knýi á um það. Í hvorugu dæminu var um brýna nauðsyn, eða um nauðvörn að ræða, heldur fyrirbyggjandi aðgerðir ... Svona til að tryggja það að bjarndýrið gerði ekki einhvern usla síðar meir.

Einn bloggari hefur meira að segja bent á það hvað seinna drápið varðar, að birnan var á leið til sjávar þegar hún var drepin, en í lögunum er blátt bann við því að drepa bjarndýr á sundi.

Þannig að fyrirsláttur ráðherra og annarra ábyrgðarmanna á drápinu, um að það varð að hindra björninn frá að komast til sjávar, felur í sér alvarlega aðför að þessu ákvæði laganna.

Ég skora því á ráðherra að segja af sér og alla drápsnauta hennar einnig. Maður hefur varla nokkurn tímann orðið vitni að annarri eins vanhæfni í starfi - og eins kaldrifjuðum lögbrotum íslenskra stjórnvalda.

Ráðuneytið greiðir fyrir leiguflug

Athugasemdir

[Ingólfur, 19.6.2008 kl. 13:15]

Þórunn gerði þarna alveg rétt að heimila að björninn yrði felldur ef hættuástand skapaðist.

Ef hún hefði komið í veg fyrir það að björnarnir væru felldir áður en þeir týndust, þannig að enginn vissi hvar þeir mundu birtast aftur, að þá væri hægt að krefjast afsagna því það hefði hæglega getað kostað mannslíf.

Það er fínt PR að bjarga hvítabjörnum og getur borgað sig í jákvæðri ímynd fyrir Ísland, en það væri aldrei virði mannslífs.

[Torfi Stefánsson (IP-tala skráð) 19.6.2008 kl. 14:09]

Ha, ha! Auðvitað gerði hún rétt!

Lögin frá Össuri Skarphéðinssyni, flokksbróður hennar, um að bannað sé að drepa ísbirni á sundi eru auðvitað tómt bull og bera að hunsa algjörlega!

Það veit jú engir hvar þeir munu stíga á land og drepa þar allt sem hreyfist!!!

[Ingólfur, 19.6.2008 kl. 14:24]

Björninn var ekki á sundi en það skiptir hins vegar engu máli því hann er ekkert meira friðaður á sundi en á landi.

Lögin gera sérstaklega ráð fyrir því að hvítabirnir séu felldir ef það er talin stafa hætta af þeim og þarna voru allir sammála um að það stafaði hætta af sársvangri og styggribirnunni ef menn hefðu misst sjónar á henni.

"Fella má hvítabjörn sem gengið hefur á land og fólki eða búfénaði er talin stafa hætta af."

Hvað er erfitt að skilja við þetta?