Furðulegt val á byrjunarliði!

20.8.2008 | 16:57

Furðulegt val á byrjunarliði!

Ólafur Jóhannesson sagði í viðtali við Fréttablaðið í dag að gagnrýnin á hann fyrir að velja ekki einhvern besta leikmanninn í norska boltanum í dag, Veigar Pál Gunnarsson, eigi "alveg rétt á sér" og að hann gæti vel hugsað sér að velja hann í liðið í fyrsta leik undankeppni HM sem byrjar nú í september.

Þetta er auðvitað furðuleg yfirlýsing í ljósi þess að æfingaleikir eru jú til þess að skoða leikmenn og samæfa þá sem eina liðsheild, en ekki til að velja menn sem koma ekki til greina í alvöruleiki.

Kannski er stóra snilldin í þessu öllu saman að landsliðsþjálfarinn velur Pálma Rafn í stöðu Veigars Páls en þeir eru nú samherjar hjá efsta liðinu í norska boltanum, Stabæk, þar sem Veigar ræður öllum ríkjum á miðjunni en Pálmi kemst ekki í lið.

Þá er hinn ungi Jóhann Berg valinn í landsliðshópinn (og m.a.s. í byrjunarliðið) í æfingarleik á sama tíma og 21-árs landsliðið er að leika mikilvægan leik í sinni undankeppni!

Einnig er Bjarni Eiríkur vinstri bakvörður og Birkir Sævar hægri sóknartengiliður en menn í einhverjum bestu liðum á Norðurlöndum (Gautaborg, Lyn og fleiri liðum) fá ekki náð í augum einvaldsins.

Já, hann er skrítinn þessi landsliðsþjálfari.