Maður fyrir landsliðið!

Eins og ég hef nefnt hér fyrr þá er Eyjólfur Héðinsson góður kostur fyrir landsliðið í þeirri kreppu sem það er í, ekki síst miðjuspilið.

Þá eru fleiri góðar fréttir á íslenskum knattspyrnumönnum ytra. Helgi Valur Daníelsson er byrjaður að spila aftur með Elfsborg, sem er enn í öðru sæti sænsku deildarinnar - og Theódór Elmar spilaði allan leikinn með Lyn sem vann Vaalerenga í nágrannaslag í Osló í kvöld og er í 4. sæti norsku deildarinnar.

Því má ætla, að öllu eðlilegu, að slagurinn um miðjustöðuna sem Aron Gunnarsson lék í í síðustu leikjum, harðni mjög. Eyjólfur getur eflaust einnig spilað framar eða í stöðu Emils Hallfreðs. og Theódór reyndar einnig, sem og í stöðu Birkis Sævarssonar, en þessi báðir voru varamenn hjá liðum sínum í síðasta leik - og Emil kom ekkert inn á. Þá er nokkuð skrítið að Pálmi Rafn sé valinn í landsliðið þótt hann spili lítið sem ekkert með Stabæk en Veigar Páll fái varla nokkur tækifæri þótt hann stórspili með sama liði - og sé alltaf í byrjunarliðinu.

Að minnska kosti hlýtur að vera jákvætt að nú eru til staðar fleiri valkostir en fyrir síðustu leiki. 

Eyjólfur tryggði GAIS sigur

Athugasemdir

[Sigurður Sigurðsson, 15.9.2008 kl. 21:00]

Theódór Elmar inn og Veigar Pál. Alvöru leikmenn. Spiluðu með KR.

Hinir eru einskisnýtir amlóðar.