Er ekki komin tími til að setja einhverjar skorður á gjaldeyrisviðskipti?

Þó svo að allir þykjast koma af fjöllum og engin viti neitt um ástæðu þess að króna veikist svona illilega, eða kenna fjármálakreppunni úti í heimi um, þá vita í raun allir að það er bankarnir sem eru að braska með gjaldeyri til að reyna að laga ársfjórðungsreikninga sína og þar með lánakjör sín ytra.

Alls staðar úti í hinum stóra heimi er verið að krefjast þess að komið verði böndum á óráðsíu og brask fjármálafyrirtækja með því að setja reglur um starfsemii þeirra. Nýfrjálshyggjan er nefnilega í andaslitrunum og hefur beðið algjört skipsbrot.

En hér heima er ekkert gert, þó svo að formaður Samfylkingarinnar rumski öðru hverju og gagnrýni hinn óhefta kapitalisma. Ríkisstjórin gerir ekkert, Fjármálaeftirlitið ekki heldur og í þeirri tómu tunnu sem bylur hæst í þessa daganna, Seðlabankanum, heyrist heldur ekki múkk í þá veru.

Ég las um daginn um Tobinskattinn svokallaða sem gengur út á það að setja gjald á gjaldeyrisfærslur. Upphafsmaður þeirra hugmyndar var bandarískur hagræðingur, Tobin að nafni, sem fékk Nóbelsverðlaun í hagfræði árið 1981.

Hann var enginn haftakarl en taldi nauðsynlegt til að sporna gegn þeim gífurlega neikvæðu afleiðingum sem brask með gjaldeyri hafði á hinar fátækari lönd heimsins - og hina fátækari í ríku löndunum - og vildi koma á þessu gjaldi til að koma í veg fyrir stórfellt brask. Hann vildi og láta þetta gjald renna til Sameinuðu þjóðanna til að auka fjárhagslegt sjálfstæði þeirra gagnvart ríku löndunum (einkum USA).

Þessu hefur því miður ekki verið alltof vel tekið en væri ráð hér heima nú þegar gjaldeyrisbraskið hér er að sliga þjóðina.

Um topbinskattinn má lesa hér: http://www.visindavefur.hi.is/svar.asp?id=2108 og hér: http://en.wiki­pedia.org/wiki/Tobin_tax.

Krónan aldrei veikari

Athugasemdir

[albert (IP-tala skráð) 26.9.2008 kl. 12:00]

Það verður að stoppa þessa vitleysu STRAX. Taka uppfastgengisstefnu meðan þetta rugl er að jafna sig. Evra í 110 kr og yen í 0,70, eða þessi ríkisstjórn fara strax frá!