Sjálfsagðir í landsliðið

Ég tel að þarna séum við komin með sjálfsagða menn í landsliðshópinn, þ.e. Garðar Jóhannsson og Birki Bjarnason. Birkir er búinn að skora þrjú mörk í síðustu fjórum leikjum - og liðið hans er í fjórða sæti norsku deildarinnar (lið Garðars í 2.-3. sæti).

Garðar hlýtur að koma til greina í byrjunarliðið þar sem Heiðar Helguson fær ekkert að spila hjá Bolton.

Annar sem fékk ekkert að spila um helgina hjá liði sínu var Hermann nokkur Hreiðarsson. Nú er mánuðurinn liðinn sem hann gaf þjálfaranum áður en hann færi að berja menn á æfingum, svo við fáum eflaust brátt tíðindi þaðan.

En þar sem við eigum nóg af sterkum varnarmönnum þá þurfum við ekki að hafa neinar áhyggjum. Gefum Hermanni frí í næstu landsleikjum svo hann geti einbeitt sé að því að vinna sér sæti í liði sínu.

Íslendingar á skotskónum