Kaupþing næst?

Margt bendir til þess að bankakreppan hér á landi sé rétt að byrja með þjóðnýtingu Glitnis og að aðalhagfræðingur First Securitas í Noregi hafi rétt fyrir sér um að Kaupþing verði næsti bankinn sem fari á hausinn. Frétt mbl.is um tap Eglu, næststærsta hluthafans í Kaupþingi, styrkir þessa skoðun. Gengisfall krónunar og þarf að leiðandi hækkun erlendra lána er sögð aðalástæða þessa taps.

Ljóst er að uppkaup Landsbankans og Kaupþings á gjaldeyri síðustu dagana er einungis skammtíma ráðstöfun til að forðst hrun, en til lengri tíma séð þá leiða þessi uppkaup til enn verri lánsfjárstöðu fyrir þá - þegar að skuldadögum kemur.

Fitch hefur til dæmis lækkað langtíma lánsfjármat Kaupþings úr A- til BBB og þann stutta úr F2 til F3. Sama er reyndar að segja um Landsbankann svo hann stendur varla mikið betur.

Ljóst er að að aðgerðir ríkisstjórnarinnar og Seðlabankans í gær hafi gert stöðuna miklu verri en hún var fyrir helgi - þannig að þessi mjög svo versnandi lánsfjárstaða er fyrst og fremst vanhuguðum aðgerðum þeirra að kenna en ekki Glitnisbanka.

Það verður þokkalegt að horfa upp á hlutina þegar hinir stóru bankarnir (og Glitnir reyndar líka) þurfa að fara að greiða upp stóru lánin snemma á næsta ári. Ljóst er að Ríkið hefur ekkert bolmagn til að hlaupa undir bagga.

Er það kannski ástæðan fyrir því að nú er ríkisstjórnin og Seðlabankinn að plotta bakvið tjöldin að gefa Landsbankanum Glitni?

Það yrði þá ekki fyrsta bankagjöf Sjálfstæðismann til þeirra Björgúlfsfeðga en í viðtali við forsætisráðherra kom fram að sá yngri þeirra væri einn helsti efnahagsráðgjafi ríkisstjórnarinnar!!!! Talandi um hagsmunatengsl!

Tap Eglu 15 milljarðar króna