Hvað með náðina?

Fyrr í dag var frétt á mbl.is af fótboltamanninum Gunnari Heiðar, sagt frá því að hann hafi skorað mark í fyrsta skipti með liði sínu - liði sem er í neðsta sæti dönsku úrvaldsdeilarinnar - og bætt við að hann hafi ekki verið valinn í landsliðshópinn fyrir leikina gegn Hollandi og Makedóníu sem fara fram nú í næstu viku.

Í þessari frétt er síðan sagt frá Garðari Jóhannssyni sem skoraði í dag sitt 9. mark í norsku úrvaldsdeildinni í ár, með liði sínu sem er í öðru sæti í norsku úrvalsdeildinni, en ekkert nefnt að hann hafi ekki heldur hlotið "sem kunnugt er" náð fyrir augum Ólafs Jóhannessonar landsliðsþjálfara þegar 22 manna hópurinn var valinn.

Garðar hefur reyndar aldrei hlotið þessa eftirsóttu náð fyrir augum Óla þjálfara (enda hefur landsliðsþjálfarinn aldrei haft tíma til að skreppa út fyrir landsteinanna til að líta garpinn augum).

Svona til að upplýsa blaðamann Moggans á styrkleikamun liðs Gunnars annars vegar og Garðars hins vegar má benda á að norska liðið Rosenborg var að vinna danska liðið Bröndby í Evrópukeppninni þannig að líta verður á norsku deildina sem sterkari en þá dönsku, en liðin eru á svipaðu róli í deildunum heima hjá sér - og Rosenborg mun neðar en Fredrikstad.

Að ekki sé talað um lið Veigar Páls, Stabæk, sem er yfirburðalið í Noregi í ár. Þó hefur Veigar Páll aldrei hlotið þá náð í augum landsliðsþjálfarans að vera í byrjunarliðinu og yfirleitt ekki komið inn á fyrr en leikurinn er að verða búinn. Fyrst var Gunnar Heiðar og nú Heiðar Helguson notaðir í hans stað, en Heiðar kemst ekki einu sinni í 22 manna hópinn hjá sínu liði.

Er ekki staðan hjá íslenska landsliðinu orðin þannig að það þarf að fara að leyfa heitustu mönnunum að spila hverju sinni? 

Garðar skoraði sigurmark Fredrikstad

Athugasemdir

[Simmi (IP-tala skráð) 5.10.2008 kl. 19:49]

Já, þetta er virkilega skrýtið. Hávaxinn framherji sem skorar mörk, það er ekki mikið um þá á Íslandi. Væri forvitnilegt að sjá hann og Veigar spila saman (en ég efast um að það gerist). Það gerist samt eftir svona 4-5 ár þegar þeir koma heim í Garðabæinn og gera Stjörnunni að Íslandsmeisturum.