"og það við Derby"!

Já, þeir eru skondnir þessir blaðamenn í lýsingum sínum á íslensku hetjunum okkar í næst efstu deild enska boltans.

Þetta rosa flotta lið Derby (sem féll úr úrvalsdeildinni í fyrra með lélagasta árangur alla tíma) er um miðja 1. deildina núna og er aðeins fyrir ofan Coventry. Ljóst er að Aron Einar er í slöku ensku liði, liði sem mun vera í fallbaráttunni í vetur.

Burnley er hins vegar með þokkalega gott lið og ætti því frammistaða Jóhannesar Karl að teljast betri en Arons.

En það mætti alveg geta annara leikmanna þó svo að þeir hljóti ekki náð fyrir augum landsliðseinvaldsins. Í gær voru íslenskir leikmenn í eldlínunni í efstu deildinni í Svíþjóð, þeir Hannes J. Sigurðsson, Ari Skúlason og Eyjólfur Héðinsson en ég man ekki til þess að blaðamaður Moggans hafi nefnt þá á nafn.

Og í dag spilaði Kári Árnason allan leikinn með AGF í efstu deildinni í Danmörku. Lið hans vann og er nú í 6. sæti deildarinnar (af 12). Þá lék Eggert Jónsson með Hearts í jafnteflisleik í efstu deildinni í Skotlandi. Arnar Viðarson er í byrjunarliði Club Brugge í belgísku úrvaldsdeildinni og svo mætti lengi telja.

Af hverju er verið að einblína á einhverja slaka deild á Englandi? Eru aðrar deildir og aðrir íslenskir leikmenn ekki til? 

Jóhannes Karl lagði upp mark Burnley

Athugasemdir

[Sigurður F. Sigurðarson, 26.10.2008 kl. 10:22]

Sæll,

 Auðvitað má skrifa um fleiri deildir en hitt skil ég ekki hvernig þú færð út að einhver einn standi sig betur en annar bara af því að liðið hans er ofar.  Það hlýtur að vera frammistaða einstaklingsins sem ræður því hvernig einhverjum gengur en ekki frammistaða liðsins.  Segjum sem svo að við ættum markmann í liði sem væri neðst í 1.deild en hann væri búinn að verja eins og brjálæðingur en vörnin væri bara hræðileg og hins vegar ættum við senter í efsta liði 1.deildar.  Þar er hann búinn að skora kannski 5 mörk í 17 leikjum, ekki leggja upp neitt en væri í liðinu samt sem áður. Hefur senterinn þá staðið sig betur því liðið hans er ofar.