Enn ein "tæknileg ástæða"?

Geir Haarde talaði um tæknilega ástæðu fyrir frestun á fyrirtöku IMF á lánafyrirgreiðslunni til okkar Íslendinga, en nú er komið í ljós að ástæðan var andstaða Breta og Hollendinga í stjórn sjóðsins við að veita þetta lán án skilyrða um að samkomulag vegna Icesave-reikninganna þurfi að liggja fyrir áður.

Nú segir hann að nýji fresturinn fram á mánudag sé til kominn vegna þess að "íslensk stjórnvöld þyrftu lengri tíma til þess að ganga frá lánum frá öðrum ríkjum" áður en gengið yrði frá láninu hjá IMF.

Enn einu sinni er hann kominn í mótsögn við sjálfan sig því áður hafði hann jú sagt að fyrst yrði að ganga frá láni frá Alþjóða gjaldeyrissjóðnum, áður en hægt væri að semja um lán við aðrar þjóðir.

Er nema von að fólk tali um að forsætisráðherra ljúgi í sífellu að íslensku þjóðinni? 

IMF-beiðni frestað