Ekkert nýtt!

Þetta var alveg ótrúlegur blaðamannafundur - og frammistaða fyrirspyrjenda fyrir neðan allar hellur.

Ekkert er spurt um ástæðu þess að ákvörðun IMF sé frestað hvað eftir annað. Nú síðast kom fram í máli Geirs Haarde að ákvörðun verði ekki endilega tekin á mánudaginn (hvað þá í dag eða á þriðjudaginn var eins og hann hafði áður fullyrt), heldur "eftir helgi eða einhvern tímann í næstu viku."

Þá voru engar athugasemdir gerðar við þann fyrirslátt forsætisráðherra að þetta hafi dregist (og dregst enn) vegna þess að Ísland eigi eftir að semja við aðrar þjóðir.

Enn er ráðamönnum sleppt við óþægilegar spurningar - og ekkert tekið á háværum sögusögnum um að við fáum alls ekki þetta lán - og við því enn og aftur dregin á asnaeyrunum.

Hins vegar kom eitt nýtt fram, þ.e. að allt sé óvíst um að starfandi bankastjórar fái að starfa áfram eftir skipan nýrra bankaráða.

Af svari Björgvins mátti ráða að svo væri ekki - og í samhengi þess sem hann sagði mátti einnig ráða að nýju bankastjórarnir í Glitni og í Landsbankanum verði látnar fara vegna aðkomu sinnar að gömlu bönkunum.

Því ber auðvitað að fagna og einnig því að búast megi við að millistjórnendur og framkvæmdastjórar bankanna verði einnig látnir taka poka sinn (og yfirlögfræðingur KB-banka og nú Kaupþings ekki síst). 

Þó hljómar þetta auðvitað sem hvítþvottur ráðherra sem sjálfur sé að reyna að  bjarga eigin skinni. En það er nú engin ný saga.

Geir staðfestir pólska aðstoð

Athugasemdir

[Johann Trast Palmason, 7.11.2008 kl. 17:48]

aðeins útvöldum blaðamönnum var boðið á þennann propaganda fund þar sem engar óþægilegar spurningar komu og helmingur sætana var tómur

[Jói Spói (IP-tala skráð) 8.11.2008 kl. 15:32]

"Aðspurður segir Geir að ástæðan fyrir því að hann vissi  ekki um lánið frá Pólverjum skýrist af því að Pólverjar leituðu til Svía."

HVERSKONAR SVAR ER THETTA?  ER GEIR AD HALDA THVÍ FRAM AD PÓLVERJAR HAFI HAFT SAMBAND VID SVÍA TIL THESS AD BIDJA THÁ UM AD KOMA THEIM SKILABODUM TIL ISL. STJÓRNVALDA AD THEIR (PÓLVERJAR) AETLI AD LÁNA ÍSLENDINGUM THESSA PENINGA?

HVERS VEGNA SAETTIR BLADAMADURINN SIG VID THETTA "SVAR"?  HVAD MEINAR GEIR???  ERU ALLIR SÁTTIR VID THETTA "SVAR"?