Arðgreiðslur síðast í maí!

Straumur-Burðarás er eflaust eitt þeirra fjölmargra fjárfestingafyrirtækja sem hafa verið að leika sér með reikninga þess til að staðan liti betur út á pappírnum. Þetta hafa þeir m.a. gert til þess að geta borgað hluthöfum sínum árlega arðgreiðslur, oft vel yfir 50% af hlutnum.

Ef þú hafir t.d. átt 5.000.000.000 (eða 5 milljarða) hlut í bankanum, sem einhverjir hafa eflaust átt (Björgúlfsfeðgar t.d.), þá varstu að fá um 2 og hálfan milljarð í arðgreiðslur á hverju ári!

Þetta gerðist nú síðast í maímánuði á þessu ári þó svo að ljóst væri að á fyrsta árfjórðungi ársins hafi verið stórtap á rekstrinum, sama hvað öllum talnaleik viðvék.

Út voru borgaðar 48,9 milljónir evrur eða tæplega um 40% af tapi fyrstu þriggja ársfjórðunga þessa árs!!

Hefði ekki verið betra að eiga þessa peninga í sjóðum félagsins núna til að mæta fyrirsjáanlegu tapi?

Nei, auðvitað ekki! Stærstu hluthafarnir þurftu á þessum peningum að halda - en að auki var fyrirtækið tæknilega gjaldþrota og því um að gera að rýja það inn að skinni áður en það færi í greiðslustöðvun. 

Ætli megi ekki segja það sama um önnur fjárfestingafélög? Er ekki kominn tími til að frysta eigur þeirra svo þær hverfi ekki í svartholið fræga? 

Mikið tap hjá Straumi