Gott samstarf við atvinnulíf og launþega?

Þetta kemur nú úr hörðustu átt!!

Ég veit ekki til þess að fjármálafyrirtæki, sem þessi maður er framkvæmdastjóri fyrir, hafi hingað til haft áhyggjur af því hvernig atvinnulíf og launþegar hafi það hér á landi. Þeir hafa fyrst og fremst stundað starfsemi hér sem er á mjög lítinn hátt framleiðandi á vöru eða eflandi íslenskt atvinnulíf á annan hátt. Þeir hafa fyrst og fremst braskað með fé (annarra) og haft hag hluthafa fyrirtækja sinna leiðarljósi, ekki almennings eða atvinnulífs.

Þess vegna þarf ríkisstjórnin eða Alþingi ekki á neinn hátt að taka tillit til skoðana hagsmunaaðila eins og fjármálafyrirtækjanna, fyrirtækja sem hafa jú lagt efnahag landsins í rúst - og ættu að svara til saka fyrir það en ekki að gagnrýna aðhaldsaðgerðir ríkisstjórnarinnar.

Er ekki tími til að Mogginn hætti að leita álits hjá þessum mönnum? Eða er það bara Jón Ásgeir sem er á svarta listanum hjá Mogganum?

Verið að veita róttæka heimild

Athugasemdir

[Svavar Friðriksson (IP-tala skráð) 27.11.2008 kl. 23:09]

Nákvæmlega það sem ég var að velta fyrir mér. Er þetta ekki lýsandi dæmi um spillinguna og viðbjóðinn sem við þurfum að búa við hérna.

Það sýður á manni að sjá svona viðtöl!

[ólafur kristjánsson (IP-tala skráð) 29.11.2008 kl. 15:29]

Góður Torfi !