Hermann til WBA?

Ef að líkum lætur þá fer Hermann til botnliðs deildarinnar, WBA, nú þegar félagsskiptaglugginn opnar í janúar.  Hann hefur nefnilega alltaf verið í fallliði í úrvaldsdeildinni ensku, þar til Pomey keypti hann í fyrra. Viðbrigðin hjá honum við þetta voru greinilega það mikil að síðan hefur hann ekkert getað - og ekkert komist í liðið. Því um að gera að fara til öruggs fallliðs til að ná sér á strik!

Það eru nokkrir fleiri íslenskir kappar að spila í dag, svo sem Sölvi Ottesen sem fékk óvænt tækifæri með landsliðinu nú á dögunum. Leik liðs hans, SönderjyskE, lauk með jafntefli og fer liðið nú í vetrarhlé rétt fyrir ofan fallsætið.

Þá er Gunnar Heiðar Þorvaldsson í byrjunarliði Esbjerg þar sem staðan er 1-0 fyrir andstæðingnum eftir 7 mínútna leik, en Esbjerg er í fallsæti deildarinnar.

Arnór Smárason er loksins í byrjunarliði Heerenween, í fremstu víglínu, og skoraði fyrsta mark leiksins. Leiknum lauk 1-3 fyrir Heerenween.

Að lokum má nefna að Emil Hallfreðsson er ekki einu sinni á bekknum hjá Reggina, sem leikur við Bologna (staðan er 2-2).

Hermann á bekknum hjá Portsmouth