Merkileg frétt

Meðan allra augu hvíla á Ísrael og framferði þeirra á Gazaströndinni birtir Morgunblaðið frétt um  meint mannréttindabrot helstu andstæðinga Ísraela, Íran, á mannréttindakonu þar í landi.

Merkileg frétt segi ég vegna þess að á sama tíma sendir Öryggisráð Sameinuðu þjóðanna frá sér harðorða yfirýsingu um hernað Ísraela og krefst þess að Ísrael dragi strax her sinni í burt frá Gaza og að vopnahlé verði fyrirskipað tafarlaust.

Um þetta segir hins vegar lítið sem ekkert á mbl.is, aðeins sent út myndband sem sýnir frá fundi í Öryggisráðinu. Engin skýring á íslensku fylgir með, aðeins sagt í fyrirsögn hvað yfirlýsingin hefur í sér, og enginn texti fylgir yfirhöfuð.

Samt er þetta ein athyglisverðasta ályktun (resolation) sem Öryggisráðið hefur samþykkt á síðustu árum - og það líka að Bandaríkjamenn beittu ekki neitunarvaldi sínu eins og venjulega (heldur sátu hjá, eitt 15 ríkja ráðsins).

Er Mogginn enn fastur í kaldastríðsáróðri síðustu aldar þar sem Palestíumenn voru hinir vondu kommar en Ísrael hinir góðu kapitalistar?

 

Fékk póst frá Shirin Ebadi