Hvar voru ráðherrarnir?

Já, ég tek undir með þeim sem gagnrýna það að einungis skrifstofublækur í ráðuneytunum skuli hafa mætt til fundar við Robert Wade.

Í fyrra fóru fram athyglisverðar umræður á nokkrum bloggsíðum um grein Wade frá því þá um sumarið.

Þar skrifar m.a. maður að nafni Geir Ágústsson um hugmyndir Wade og hneykslast á þeim fyrir vinstri slagsíðu. Það sem Geir telur vera dæmi um slíkt er m.a. það að Wade vildi að samningaviðræður um aukna fríverslun í heiminum mistækjust og að hann boðaði verndartolla "sem einhvers konar ´verkfæri´ stjórnmálamanna til að ´jafna spilið´ á hinum (ó)frjálsa markaði." Hann var sem sé ásakaður fyrir að tortryggja hinn frjálsa markað og hampa verndartollum og niðurgreiðslum.

Þessar hugmyndir Wade hafa þó sýnt sig vera nauðsynlegar, þ.e. að koma á einhvers konar leikreglum til að koma böndum á hinn óhefta kapitalisma sem nú hefur skapað mestu fjármálakreppu sögunnar. 

Þá er fullyrt að hann fari með rangt mál og "api upp löngu afsannaðar samsæriskenningar um sölu bankanna (sú er a.m.k. niðurstaða allra athugana og skýrslna sem hafa verið gerðar á einkavæðingarferlinu á sínum tíma)"!

Þessi skrif sýna auðvitað best blindni frjálshyggjupostulanna á galla nýfrjálshyggjunar og víti til varnaðar í dag, þegar menn ætla að reyna að koma aftur á samskonar kerfi og var fyrir hrun, og hafa samskonar sýn á gangverki hagkerfsins eins og Geir Ágústsson og sálufélagar hans!

Sjá http://geiragustsson.blog.is/blog/geiragustsson/entry/582249/ 

 

Jón Þór: Áhugaverður fundur með Wade