Gott framtak

Það skrifa 62 ljóðskáld undir yfirlýsinguna sem hlýtur að teljast mjög góð þátttaka í svona undirskriftasöfnun.

Hér feta íslenskir listamenn í fótspor kollega sinna í Noregi og Svíþjóð sem hafa gert það sama.

Vonandi verður þetta framtak til þess að það heyrist í fleiri svipuðum samtökum - og frá öðru svo sem stjórnmálaflokkunum. Ég man ekki til þess að hafa heyrt frá neinum þeirra um þjóðarmorðið á Gaza, m.a.s. ekki Vinstri grænum sem yfirleitt hafa stutt málstað Palestínu dyggilega.

Þá mætti félagið Ísland-Palestína alveg láta heyra meira frá sér og efna til fleiri mótmæla. Mér finnst t.d. eðlilegt að sýnd sé samstaða með Gazabúum í mótmælunum á Austurvelli en við, jafnt og þeir, erum fórnarlömb heimsvaldastefnu kapitalismans og nýfrjálshyggjunnar sem engu eirir.

Íslensk ljóðskáld mótmæla ástandinu á Gasa

Athugasemdir

[Einar Steinn Valgarðsson (IP-tala skráð) 19.1.2009 kl. 22:14]

Félagið Ísland-Palestína stóð nú síðast fyrir fundi í gær í Háskólabíói. Svo vorum við einnig með fund í Iðnó og mótmæli á Lækjartorgi og við Bandaríska sendiráðið.

Aðgerðahópurinn Gaza-Ísland stóð fyrir gjörningi við Stjórnarráðið og Alþingishúsið til að líkja eftir ástandinu á Gaza og mótmæla fjöldamorðunum. Félagið Ísland-Palestína hefur líka gefið út yfirlýsingar þar sem afstaða félagsins kemur skýrt fram.

Ég styð hins vegar heilshugar hvers konar mótmæli gegn ástandinu og skal fús mæta á þau ef ég á möguleika á og hvetja aðra til slíks hins sama. Það er svo alveg fleira á dagskrá hjá félaginu en ég hef samt ekki dagskrána alveg á hreinu, svo ég læt þig vita þegar ég veit meira.

Hjartanlega sammála því að þetta er glæsilegt framtak. Því meira, því betra.

Bestu kveðjur

Einar Steinn