Hvað með upplýsingaskyldu stjórnmálamanna?

Gott hjá Helga og co, en ég hefði þó gjarnan einnig viljað sjá tillögu um upplýsingaskyldu stjónmálamanna um prófkjörskostnað í þessu frumvarpi. Mig minnir að í síðasta prófkjöri Samfylkingarinnar í Reykjavík hafi komið fram kröfur um upplýsingar um kostnað einstakra frambjóðenda vegna þeirra og þá komið í ljós að Helgi hafi eytt einna mestri upphæð í kosningabaráttuna. Ekki fékkst þó uppgefið hvaðan þeir peningar komu.

Til að koma í veg fyrir að fólk tali um tvískinnung stjórnmálamanna, spillingu og mútugreiðslur til þeirra, þá er mikilvægt að upplýsingar fáist um fjármál þeirra og stærstu styrkveitendur í prófkjörum. Annars er hætta á að almenningur telji að hér sé einungis um vinsældarbrellu að ræða (popularisma).

Leggja fram frumvarp um upplýsingaskyldu fyrirtækja