Nú hvað, landsliðsþjálfarinn farinn að ferðast!

Það er gleðilegt að sjá að landsliðsþjálfarinn er farinn að ferðast til að skoða leikmenn sem leika ytra, en ég man ekki eftir því að hann hafi gert það fyrr á ferlinum.

En líklega hefur hann verið á röngum stað í gær að skoða leikmenn því í öðrum leik í Noregi voru tveir Íslendingar í sviðsljósinu, þ.e. í leik Viking og Odd Grenland.

Viking þótti spila firna vel í leiknum og stóð Birkir Bjarnason fyrir sínu, átti meðal annars dauðafæri sem Árni Gautur bjargaði með ótrúlegu viðbragði. Upp úr færinu kom þó annað mark Viking.

Bæði Birkir og Árni Gautur fá góða dóma fyrir leik sinn, eða 5, en Indriði Sigurðsson og Theódór Elmar síður, eða 4, enda tapaði lið þeirra á heimavelli 0-1.

Það verður fróðlegt að fylgjast með Birki í vor og sumar en hann virðist vera búinn að tryggja sér fast sæti í firnasterku liði Viking, eftir frábært tímabil í fyrra þegar hann var í láni hjá Bodø Glimt.

Það er full ástæða til að gefa honum tækifæri í landsliðinu.

Kjartan í hópi Sandefjord gegn Brann