Íslenska liðið?

Það verður erfitt fyrir Ólaf Jóhannesson þjálfara íslenska fótboltalandsliðsins að velja íslenska liðið, ekki síst vörnina.

Tveir fastamannanna í vörninni undanfarið, þeir Indriði Sigurðsson og Kristján Ørn Sigurðsson, áttu slaka leiki með liðum sínum í norsku deildinni um helgina. Kristján sem hefur verið mjög sterkur með landsliðinu, er nýstiginn upp úr meiðslum og á langt í land að ná fyrri styrk. Hann fékk aðeins 1 í einkunn fyrir leik sinn með Brann í gær, átti sök á tveimur marka andstæðinganna, og var tekinn út af eftir um 60 mínútna leik.

Ekki er gott að vita hverjir geta tekið stöður þeirra þar sem sænska deildin er ekki enn byrjuð og íslensku leikmennirnir í dönsku deildinni eru meira og minna meiddir.

Helst ætti Eggert Jónsson hjá Hearts í Skotlandi að geta spilað gegn Skotum. Bæði þekkir hann Skotana vel og svo hefur hann spilað alla leiki undanfarið með liði sínu sem er í þriðja sæti skosku deildarinnar, á eftir Celtic og Rangers.

 

 

Burley velur hópinn sem mætir Íslendingum