Hrein og klár lygi

Viðbjóðurinn sem Ísraelar bjóða fólki upp á þessi misserin er ótrúlegur og lyga-fasisminn allsráðandi. Hér í Noregi er þessi frétt ekki talin svaraverð og hefur aðeins orðið til þess að álit Norðmanna á Ísraelum fer enn minnkandi.

Það er í raun furðulegt hversu Ísraelum er uppsigað við Norðmenn þar sem þeir hafa spilað mjøg stóra rullu í friðarviðræðum milli Ísraela og Palestínumanna - eða kannski er það einmitt þess vegna sem stríðsóðu Síonistarnir láta svona.

Fréttaflutningur Moggans kemur þó enn á óvart en ég man ekki til þess að helsta fréttin frá Ísrael undanfarið hafi fengið umfjöllun hér. Þá á ég við játningar ísraelskra hermanna sem hafa birst í ísraelska dagblaðinu Ha´aretz. Einn hermannanna segist hafa fengið skipun um að skjóta gamla konu sem var á gangi um 100 metra frá húsi sem hermennirnir höfðu lagt undir sig. Annar sagði frá því að kona med tvö lítil börn hafi misskilið skipun frá hermönnum og farið til vinstri í stað þess að fara til hægri. Þá hafi ísraelsk leyniskytta skotið hana og børnin með köldu blóði. Einnig segir frá því að í upphafi stríðsins hafi hermenn fengið skipun um að skjóta hvern einasta mann sem þeir sæju í húsum sem þeir réðust inn í. Þetta væri leyfilegt vegna þess að íbúarnir hefðu fengið skipun um að yfirgefa húsin.

Í ljós hefur komið að ísraelskir heittrúarrabbínar hafa hvatt til slíkra drápa og lagt áherslu á að Palestínumenn væru miklu, miklu minna virði en ísraelskir hermenn.

Talsmenn Sameinuðu þjóðanna tala um stríðsglæpi af hæstu gráðu. Nýjustu tölur þaðan um fallna eru að 1417 voru drepnir, 926 almennir borgarar, 236 stríðsmenn og 255 lögreglumenn.

Frétt Moggans er einnig athyglisverð fyrir þær sakir að blaðið birtir med fréttinni mynd af Hallvorsen og Steingrími J. Hér er greinilega verið að reyna að sverta Steingrím. Mætti maður biðja um heiðarlegri fréttaflutning?

Fr

Halvorsen sökuð um gyðingahatur