Varnarmálaráðherrann!!

Kristján Örn skoraði ekki aðeins jöfnunarmark Brann á útivelli gegn sigurstranglegasta liðinu í norsku úrvaldsdeildinni, heldur átti einnig stórleik í vörn Brann. Talað er um hann í norskum fjölmiðlum sem "forsvarsministeren" eða varnarmálaráðherrann. Með frammistöðu sinni í leiknum í gærkvöldi hefur hann rækilega bætt fyrir slaka frammistöðu í fyrsta leiknum - og stimplað sig vel inn sem fyrsta val í vörn íslenska landsliðsins.

Reyndar áttu Íslendingar á tímabili fimm leikmenn inni á vellinum í liði Brann. Kristján, Ólafur Bjarnason og Birkir Már léku allan leikinn en Gylfi Einarsson og Ármnann Björnsson komu inn á í seinni hálfleik. Óhætt er því að tala um Íslendingaliðið Brann þessa daganna.

„Ég átti gagnrýnina alveg skilið“