Landsliðsmarkmaður?

það er athyglisvert að heyra að aðalmarkmaður íslenska landsliðsins, Gunnleifur Gunnleifsson, hefur sama sem ekkert fengið að spila fyrir lið sitt í svissnesku deildinni, en heldur samt stöðu sinni í landsliðinu. Varamarkmaðurinn. Árni Gautur Arason, hefur hins vegar spilað alla 7 leikina með liði sínu í norsku deildinni og staðið sig með mikilli prýði. Lið hans, Odd Grenland, er í hópi efstu liða þrátt fyrir að vera nýliði i deildinni. 

Í síðasta leik gerði liðið jafntefli á útivelli við Tromsø sem var í 3. sæti deildarinnar í fyrra. Árni Gautur átti stórleik í markinu, fékk 7 í einkunn hjá einu blaðanna, og er með bestu einkunn allra markmanna í deildinni hingað til. Er ekki kominn tími á hann aftur sem aðalmarkmann landsliðsins?

Svo mætti alveg fjalla meira um norrænu deildirnar og íslensku leikmennina þar, sem yfirleitt eru að gera þar mjög góða hluti.

Gunnleifur í byrjunarliðið hjá Vaduz