Ragnar og landsliðið

Aðalfréttin í sænska boltanum um þessar mundir, er góður árangur Gautaborgar - og Íslendinganna í liðinu, frétt sem Mogginn hefur ekki séð ástæðu til að fjalla um (þrátt fyrir að þar komu þrír Íslendingar við sögu).

Gautaborgarliðið, sem er núverandi bikarmeistari og lenti í 2. sæti deildarinnar í fyrra, er í harðri baráttu við AIK um sænska meistaratitilinn (aðeins einu stigi á eftir AIK þegar 3 umferðir eru eftir).

Liðið vann ótrúlegan (heppnis)sigur á Malmö FF í Malmö í síðustu umferð og bjargaði Ragnar Sigurðsson marki á ævintýralegan hátt. Hann fékk hæstu einkunn liðsins fyrir frammistöðu sína í vörninni, eða 7. Hjálmar Jónsson spilaði einnig vel og hefur fengið mikið hrós fyrir góða frammistöðu í sumar og haust með liðinu. Þá átti Theódór Elmar Bjarnason sendinguna sem leiddi til sigurmarksins.

Sjá http://www.svenskafans.com/fotboll/artikel.asp?id=321197

Þessir þrír menn hafa ekki átt upp á pallborðið hjá íslenska landsliðsþjálfaranum. Hjálmar hefur alls ekki fengið tækifæri, Elmar hætti að gefa kost á sér í landsliðið vegna óánægju með þjálfarann og Ragnar hefur yfirleitt setið á bekknum, þrátt fyrir frábæra frammistöðu með liði sínu - og nú þessa fínu viðurkenningu.

Nú hefur landsliðsþjálfarinn fengið framlengingu á samingi sínum, til tveggja ára, þrátt fyrir yfirleitt óskiljanlegt val sitt á landsliðinu - og neðsta sætið í riðlakeppninni fyrir HM. Aðrir þjálfarar með slíkan "árangur" hafa hins vegar fengið að taka pokann sinn, á meðal sænski landsliðsþjálfarinn.

Já, ekki er metnaðurinn mikill heima á skerinu fyrir hönd landsliðsins, amk ekki hjá KSÍ og ekki hjá fjölmiðlunum. Mér finnst samt skrítið að ekki skuli heyrast gagnrýnisraddir vegna þessa og undrast þögn fjölmiðlanna og fréttaflutning, ekki síst mbl.is.

Ragnar tilnefndur sem varnarmaður ársins