Vægast sagt umdeildur braskari!

Íslensk fréttamennska er alltaf söm við sig. Ekkert breytist í vinnubrögðum þrátt fyrir hrunið sem braskarar sem þessi komu af stað.

Røsjø þessi er þekktur fyrir ýmisleg vafasöm viðskipti í Noregi og víðar. M.a. hefur þáttur hans í olíufyrirtækinu DNO, sem stundar vafasama borun í Norður-Írak (og hefur verið útilokað um stund frá frekari olíuleit þar, fyrir að hafa ásakað innlendan embættismann fyrir spillingu) og fyrir vafasamt lán til eins af stjórnendum þess fyrirtækis. Røsjø hefur kært hið virta, norska viðskiptablað, Dagens Næringsliv, fyrir fréttaflutning þess af málinu.

þá hefur Norsk Hydro hætt við að skrifa samstarfssamning við Røsjø vegna grunsemda í hans garð fyrir spillingu.

Hann berst og mikið á þessi karl. Hefur t.d. keypt tvær hallir í Frakklandi, sjá http://www.dagbladet.no/nyheter/2001/06/06/261949.html

Hvað þessi norski útrásarvíkingur vill á Íslandi, er auðvitað spurning. Nú fellur brátt verð á öllu á Íslandi svo auðvelt ætti að vera að festa kaup á fyrirtækjum, húsnæði og jarðeignum fyrir lítinn pening á næstunni.

En er það þetta sem við viljum? Fá útlenska braskara inn fyrir þá innlendu? Er ekki kominn tími til að setja lög sem skerðir möguleika slíkra pótitáta til að fjárfesta á Íslandi?

 

Røsjø stofnar nýjan vogunarsjóð