Er Alfreð að taka við?

Þessi frétt virðist ýja að því að Alfreð Gíslason sé í viðræðum við HSÍ um að taka við íslenska karlalandsliðinu í handbolta.

Amk er fréttin sett þannig upp. Alfreð til Serbíu þar sem Einar Þorvarðar er einn eftir Íslendinga og Guðmundur Guðmundsson núverandi landsliðsþjálfari farinn af svæðinu!

Allt í lagi mín vegna að losna við Guðmund en Alferð er búinn að prófa og gekk ekkert sérstaklega vel. Mér finnst komið að Degi ...

EM: Alfreð er mættur til Belgrad

Flott!

Loksins er íslenska karlalandsliðið í fótbolta farið að fá æfingarlandsleiki! Ekki voru þeir margir þegar Óli Jó. var við stjórnina.

Og ekki amalegt að fá leik við Frakka. Vonandi er þetta allt uppávið (enda varla annað hægt).

kv.

Ísland mætir Frökkum í maí

"segjast hafa áhyggjur"

Það er alltaf jafn grátbroslegt að heyra hljóðið í þeim sem styðja ofbeldisöfl til valda - og segjast svo eftirá hafa áhyggjur af stöðu mála, svo sem af mannréttindabrotum.

Vesturveldin eiga auðvitað sökina á ástandinu í Libýu eftir valdaránið þar, rétt eins og í Írak og Afganistan. Það er ekki nóg að bomba þessi lönd sundur og saman til að "frelsa" þau, heldur verður að sjá til þess að "frelsunin" sé raunveruleg.

Og auðvitað verður "frelsarinn" að hafa siðferðilegt þrek til að haldda uppi lögum, reglum og réttlæti í þessum löndum. Því fer fjarri. Fjölmargar fréttir berast af níðingsskap innrásaraliðanna, svo sem af bandarískum hermönnum að kasta þvagi á lík uppreisnarmanna.

Síðasti skandallinn í þessu er sá að danskir herprestar í Afganistan taka þátt í hernaði landa sinna, beita skotvopnum og kasta sprengjum, þó svo að það sé alfarið bannað samkvæmt aljþoðalögum.

Nýi hernaðarmálaráðherrann í Danmörku, sem er úr jafnaðarmannaflokknum, yppir bara öxlum og segir að prestarnir ráði hvað þeir geri.

Já, vestrænt frelsi og jafnrétti er alltaf samt við sig.

Pynta fanga til dauða

Halda þau virkilega að það verði kosið um slík?

Annaðhvort stíga þau skötuhjúin, Íhald og Framsókn, ekki í vitið eða þá að þetta séu látalæti í þeim.

Auðvitað verður ekki kosið um þingforsetann, ef Jóhanna vill skipta honum út, ekki frekar en um ráðherra. Ásta Ragnheiður hætti einfaldlega og nýr forseti útnefndur af forsætisráðherranum, sem síðan verður kosinn af þinginu.

Varla fer Ásta Ragnheiður að neita beiðni Jóhönnu um að standa upp, ef sú beiðni kemur - og varla er hún skyldug að sitja allt kjörtímabilið þvert gegn vilja forsætisráðherrans!

Auk þess hefur margoft verið skipt um þingforseta á miðju þingi - í sögu Alþingis.

Furða sig á ummælum Jóhönnu

Að kenna öðrum um

Það er búið að vera leiðindartónn í þessum leikmanni alla keppnina og spurning hvort hann líti ekki full stórt á sig. Frammistaða hans á mótinu hefur amk ekki verið neitt til að hrópa húrra fyrir en samt leyfir hann sé enn og aftur að gagnrýna vörn íslenska liðsins.

Ég sá ekki betur en að sóknin hefði hikstrað hvað eftir annað, verið oft á tíðum of hægt og hugmyndalítil, og það ekki síst verið Aroni að kenna. Þá er hann sjálfur alls ekki góður varnarlega og hefði alltaf átt að fara útaf eftir sóknirnar.

Það er í raun ekkert skrítið að ekki hafi komið meira út úr Aroni en raun ber vitni. Hann er í hörkuliði úti í Þýskalandi og fær skiljanlega lítið að spila þar. Drengurinn er einfaldlega í lélegri leikæfingu.

Því kemur það á óvart hversu lengi Guðmundur lætur hann spila og það þótt illa gengi. Þegar Frakkar voru að vinna upp muninn í leiknum í gær (skoruðu m.a. 8 mörk gegn 3) og Aron að spila illa, þá gerði þjálfarinn engar breytingar.

Og Ólafur Guðmundsson sem átt góða innkomu í lok leiksins gegn Ungverjum, kom með góðan hraða og ógnun, sat enn og aftur á bekknum allan leikinn! Samt er hann í mjög góðri leikæfingu, spilar mikið með liði sínu í Danmörku og spilar í mjög sterkri deild. Af hverju ekki að treysta honum betur?

Heilt yfir er frammistaða íslenska liðsins ekki góð - og stjórnunin á liðinu afar slök. Ef menn ætla sér eitthvað með þetta lið næstu misserin (HM og ÓL frammundan) þarf að skipta um mann í brúnni.

 

Aron Pálmars: Getum verið þokkalega sáttir

Leitin að verða vonlaus

Norsk yfirvöld segja að leitin að íslensku sjómönnunum sem er saknað , er að verða vonlaus. Þyrlurnar komast ekki á vettvang og Orionflugvélin ein virðist lítið gera gert. Þá eru skip sem eru á leiðinni til hjálpar enn langt undan, nema einn fiskibátur sem er kominn á svæðið:

http://www.adressa.no/nyheter/innenriks/article1763697.ece

 

 

Hallgrímur SI fórst

Nákvæmast hjá RÚV

Á ruv.is er best og nákvæmast sagt frá sjóslysinu. Um er að ræða íslenska togara sem var verið að selja í brotajárn til Noregs. Allir í áhöfninni eru Íslendingar:

http://www.ruv.is/frett/islenskur-togari-forst-vid-noreg

 

 

Gæslan fékk neyðarkallið

Báturinn langt frá landi

Svo virðist sem íslenski báturinn sem sökk, en verið var að flytja hann frá Íslandi til Noregs, hafi farið niður 270 km norð-vestur af Stadt sem er vestasti oddi Noregs og fyrir miðju landinu.

Svæðið er það langt frá landi að þyrlur ná ekki þangað án þess að taka eldsneyti á leiðinni og því verður að treysta á Orionflugvél frá norska hernum við leitina.  

Hún er með hitaleitandi myndavél svo enn er möguleiki á að fleirum en þessum eina verði bjargað.

Sjá http://www.adressa.no/nyheter/innenriks/article1763671.ece

 

 

Einum bjargað við Noreg

"Verri" en Saddam?

Það er greinilega annað hljóð í vestrænum fjölmiðlum nú en þegar heyrðist frá meinum voðaverkum stjórnar Saddams.

Mannréttindabrot þessarar leppstjórnar Vesturveldanna hafa verið yfirgengilegt síðan hún komst til valda, án þess að nokkuð heyrist frá þeim sem studdu hana og styðja.

Glæpir Vesturlanda á þessum slóðum undanfarinn áratug hljóta að teljast til einhverra verstu stríðsglæpa sögunnar. Innrásir í önnur lönd án nokkurrar ástæðu - og fullt af voðaverkum í skjóli þess.

Og enn eigum við von á slíkri framkomu, nú gagnvart nágrannaríkinu Íran. Hvenær ætlar hinn vestræni heimur að rísa upp og mótmæla þessari valdníðslu og grímulausa ofbeldi?

 

34 líflátnir á einum degi

Burt með Guðmund landsliðsþjáfara!

Nú er endanlega ljóst að við komumst ekki í fjögurra liða úrslit á EM og munum ekki einu sinni spila um 5.-8. sætið, en 5. sætið gefur að öllum líkindum rétt á þátttöku í úrslitum á næsta HM.

9.-12. sætið mun líklega verða niðurstaðan sem er einhver verstu úrslit hjá okkur á stórmóti í langan tíma.

Það sýndi sig síðustu mínúturnar í leiknum gegn Spánverjum að ástæðan er ekki sú hversu íslenska liðið er lélegt og með litla breidd sem útkoma er svo slök. 

Ástæðan er ofur einfaldlega mjög léleg stjórn landsliðsþjálfarans á liðinu. Þetta hefur reyndar einkennt hann alla tíð, þ.e. mjög áberandi tregða við að breyta liðinu þegar ekkert gengur.

Nú fékk t.d. Aron Pálmarson að spila enn einu sinni nær allan leikinn þrátt fyrir slaka frammistöðu. Þó höfum við frábæran leikmann á bekknum, Ólaf Guðmundsson, sem ekkert hefur verið notaður fyrr en undi lok leiksins gegn Spánverjum. Hann setti strax svip sinn á leik liðsins en það var of seint. 

Þeessi tregða þjálfarans hefur einnig sýnt sig í öðrum leikjum. Við höfum hins vegar fjölda frábæra þjálfara sem geta tekið við af Guðmundi og komið íslenska handboltalandsliðinu, strákunum okkar, aftur í röð þeirra fremstu.

Okkur hefur nú tvö mót í röð mistekist það. Það er nóg að mínu mati og tími til að breyta um þjálfara.

Dagur Sigurðarson hefur sýnt áhuga. Af hverju ekki að prófa?

Rúnar valinn bestur í íslenska liðinu