Hlýðinn gutti?

Valið á landsliðshópnum hjá stóru strákunum gerir það að verkum að þjálfari 21 árs liðsins hefur ekki úr mörgu að moða. Hann lætur sig samt hafa það eins og lýðinn rakki og lætur rugludallinn í þjálfarastöðu stóru strákana ræna frá sér mönnum án þessa að mögla.

Má þar nefna markmennina tvo, Elías og Patrik sem báðir eru gjaldgengir með 21 árs liðinu. Einnig Ísak Bergmann sem hefur lítið fengið að spreyta sig með félagsliði sínu en er samt í hópnum með þeim stóru.
Þá er einnig sérkennilegt að Davíð fái ekki að hafa Andra Eiðsson í sínu liði en hann fær ekkert að spila með frekar slöku félags liði sínu í Svíþjóð en er samt valinn í A-hópinn!
Þá er annar slakur leikmaður, Mikael Ellertson, ekki tilgengilegur í 21 árs liðið vegna undirlegheita landsliðsþjálfara stóra liðsins.

En Davíð möglar ekki heldur segir samstarfið við Arnar vera mjög gott. Svo fái hann kannski leikmenn frá Arnari ef vel gengur í fyrri leiknumm gegn Tékkum!!! Já, nægjusemin er aðdáunarverð!

Búinn að bíða eftir þessu í allt sumar

Landsliðsþjálfarinn alltaf við sömu fjölina felldur

Arnar Þór Viðarsson virðist ekki hafa miklar áhyggjur af gagnrýninni á hans störf sem landsliðsþjálfara, sem einkum beinast að liðsvalinu. Það má sjá af vali hans á því í þetta sinn. Enn er varamaður í liðið í spænsku c-deildinni valinn í byrjunarliðið, stráklingur sem hefur nær aldrei verið í byrjunarliði hjá félagi sínu. Á meðan situr Albert Guðm. á bekknum sem var einn af fáum með einhverju lífsmarki í leiknum gegn San Marinó.

Þarna eru og fleiri sem nokkuð sérstakt er að séu í byrjunarliðinu. Má sem dæmi nefna það traust sem Arnar virðist hafa á Daníel Grétarssyni, en hann hefur einnig leikið lítið sem ekkert með liðum sínum, hvorki áður í Blackpool né nú í Póllandi.

Kannski er ástæðan sú að landsliðsþjálfarinn hefur ekki úr öðru að spila en varamönnum í lægri deildum í Evrópu eða slökum til miðlungs spilurum á Norðurlöndunum, vegna þess að hann hefur hrakið nær alla reynslumestu leikmennina úr landsliðinu sökum leiðinlegrar framkomu gagnvart þeim. Svo segja sögurnar að minnsta kosti.

Þjálfarinn getur reyndar setið öruggur á sínum stóli því hann veit að forseti KSÍ stendur þétt við bakið á honum - og mun eflaust gera það þar til henni verður komið úr sínum eigin stóli fyrir vandræðagang.

 

Annað fjögurra marka jafntefli gegn Ísrael

Næst lélegasta lið í heimi?

Ísland er að keppa við lélegasta lið í heimi og er ekkert betri þó svo að leikurinn hafi farið 1-0.

Í byrjunarliði íslenska landsliðsins voru menn sem eru greinilega á svipuðum standard (level) og San Marinó, svo sem þessi Mikael Ellertson, sem hefur varla átt eina sendingu til samherja í leiknum - og sjaldan getað haldið boltanum ef hann þá fékk hann. Stórfurðulegt að þessi maður sé valinn í landsliðið.

Þarna eru og fleiri leikmenn sem eru vægast sagt ósannfærandi, svo sem Sveinn Aron (Eiðsson) sem hefur varla sést í leiknum.
Ari Leifs er annar sem varla sér frían leikmann hægra við sig (og gefur boltann nær alltaf til baka. Reynar einkennir það liðið allt sem slíkt). Valgeir Lunddal er annar sem ekki er mjög sannfærandi og hinn bakvörðurinn, Atli Bjarkarson, ekki mikið skárri. Einnig er Stefán Teitur ekki mjög sterkur!
Einu tilþrifin í fyrri hálfleik var samspil Arberts Guðm. og Mikaels Anderson.

Spurt var yfir leikinn hvort hann færi 2-0 eða 7-0 (fyrir Ísland) og var svarið afdráttarlaust: 7-0!

Brandari auðvitað en það er íslenska landsliðið einnig - og fyrst og fremst þessi landsliðsþjálfari! Hann skipti t.d. ekki inná frískum spilurum, fyrr en seint og um síðir þó svo að ekkert væri að gerast hjá liðinu. Á meðan var San Marino búið að skipta inn fjórum leikmönnum!!!! Tveir leikmenn inná þangað til á ´86 mín!

Spurning samt hvort KSÍ-forystan sé nokkuð skárri en þessi þroskahefti landsliðsþjálfari. Ekkert heyrist frá henni í málefnum Gylfa Þórs, sem þó klárlega er mannréttindabrot (ekkert gert í hans málum í meira en ár) en semur svo við Sádana um leik, land sem eru jú alræmt fyrir morð á pólitískum andstæðinum.
Þessi Vanda er greinilega illa rugluð ...

Sigur með minnsta mun gegn slakasta liði heims

Mjög spes liðsval!

Byrjunarlið Íslands í leiknum gegn Ísrael var vægast sagt mjög sérstakt. Arnór Sigurðsson hefur ekki leikið með liði sínu í háa herrans tíð en byrjar þó inná á kostnað Alberts Guðmundssonar sem hefur hins vegar leikið mikið með sínu liði (lið þeirra féllu bæði niður í b-deildina ítölsku).

Svo var það vörnin. Brynjar Bjarna og Daníel byrjuðu þar. Brynjar hefur jú verið að spila í Noregi en fékk 2 í einkunn með liði sínu Vålerenga í stórtapi í síðasta leik. Daníel kemst svo ekki í lið hjá félagi sínu í Póllandi eftir því sem ég best veit. Vörnin gæti því reynst hriplek í þessum leik.

Svo er auðvitað skrýtið að Hákoni Haralds hafi verið kastað inn í byrjunarliði í sínum fyrsta landsleik en hvað með það. 

Hitt er eins og búast mátti við miðað við hópsvalið og það sem landsliðsþjálfarinn hefur lagt upp með á sínum afar slaka ferli hingað til með landsliðið.
Hætt við erfiðum leik og að liðið þurfi að hlaupa mikið án bolta ... en það er nú ekkert nýtt! Það er bara spurning hvað mörkin verða mörg sem landinn fær á sig í kvöld. 

Að leik loknum:

2-2 jafntefli. Skrýtið að heyra í Gumma Ben og fleirum um að jafnteflið sé stórkostleg úrslit! Ísland er jú hærra á stigalistanum en Ísrael svo að jafntefli er lágmarkskrafan. 
Svo um hina margumtöluðu neikvæðni. Hún er ekki að ástæðulausu, sbr. 1-5 tap gegn Suður-Kóreu nýlega - og svo öll hin töpin undanfarið.
Þessi leikur breytir auðvitað engu. 

Byrjunarlið Íslands: Hákon spilar fyrsta leikinn

Tær snilld!

Enn sýnir landliðsþjáfarinn okkar snilldartakta í leikmannavalinu. Fann einn leikmann í ítölsku c-deildarliði til að spila með landsliðinu. Mér skilst reyndar að sá komist þar ekki í lið en er samt nógu góður í íslenska landsliðið. Það er nú svona komið fyrir því.

Annars var úr nógu að moða í stað Hólmberts, sem er reyndar framherji en ekki sóknarmiðjumaður eins og Bjarki þessi.

Sem sóknarmenn hægra meginn hefði mátt nota í staðinn Aron Bjarnason sem er að spila alla leiki með Sirius í sænsku deildinni, í liði sem stendur sig ágætlega þar. Já eða Aron Sigurðarson í danska úrvalsdeildarliðinu Horsens (en hann spilar þó líklega frekar vinstra megin). Einnig má nefna Arnór Ingva Traustason sem enn er að spila í bandarísku deildinni og var í byrjunarliðinu í síðasta (sigur)leik.

En líklega eru þeir of gamlir (og með of mikla reynslu) fyrir Arnar Þór Viðarsson landsliðsþjálfara, um og yfir þrítugt!

Bjarki valinn í stað Hólmberts

Landsliðsþjálfarinn samur við sig!

Það gildir bara um suma að hafa spilað lítið eða spilað með varaliðum félaga sinna. Sumir eru valdir, þrátt fyrir það, en aðrir ekki einmitt vegna þess! Hann virðist ekki stíga í vitið þessi landsliðsþjálfari. 

Mikael Egill er eitt dæmi, og Andri Eiðssonur annað, um menn sem eru valdir sama hversu lítið þeir spila (og geta). Svo er lítið vitað hvort Daníel Grétars sé eitthvað að spila en vitað að Arnór Sigurðs fær ekkert að spila með Venezia sem féll niður um deild í ítalska boltanum. Samt eru þessir menn valdir í landsliðið.

Jón Daði er svo dæmi um mann sem hefur spilað talsvert með liði sínu en ekki valinn með þeim rökum að enska deildin lauk fyrir mánuði síðan! 
Alfreð Finnboga, sem er einn af okkar bestu fótboltamönnum, og er að spila í einni bestu deild í heimi, er svo ekki valinn vegna þess að hann er að verða samningslaus!

Þá er Viðar Örn Kjartans ekki valinn þrátt fyrir að vera að spila alla leiki með félagsliði sínu í Noregi. Sama má segja um Samúel Friðjóns, sem einnig hefur spilað mikil með félagsliði sínu í norsku úrvaldsdeildinni, en lið hans Viking er í tveimur af efstu sætunum þar.
Einnig má nefna Aron Sigurðar sem leikur stórt hlutverk með Horsens sem vann sig upp í dönsku úrvalsdeildina á dögunum.
Þeir eru greinilega ekki í náðinni hjá þjálfaranum.

Samt er valið ekki alslæmt. Nú erum við loks laus við Andra Baldursson sem ekki kemst einu sinni í hóp hjá FCK. Inn eru svo komnir menn eins og Willum Willums, Hólmbert Friðjóns og Davíð Ólafs sem varla hafa fengið tækifæri með landsliðinu hingað til, að ónefndum Hákoni Haralds sem hefur slegið í gegn hjá FCK í vetur.

En heilt yfir er þetta lið ekki líklegt til afreka - ekki frekar en fyrri landslið þessa þjálfara, sem enn fær traustið hjá KSÍ-forystunni einhverra hluta vegna. Ætli launakröfurnar séu svona hóflegar?

https://www.mbl.is/sport/efstadeild/2022/05/25/engir_leikmenn_tilkynnt_ad_their_seu_haettir/

 

Því miður ekki alltaf raunin að allir spili allar mínútur

Er ekki löngu kominn tíminn á þennan þjálfara?

Íslenska landsliðið í karlafótoltaranum hefur sjaldan farið lengra niður en á þessum tíma sem Arnar Viðarsson hefur verið landsliðisþjálfari. Samt er enn verið að púkka uppá hann hjá KSÍ-forystunni, nú síðast hjá spesíalistanum í almennum samskiptum, Vöndu Sigurgeirsdóttur.

Vanhæfni forystunnar hefur aldrei komist betur í ljós en í ráðningu Arnar í þjálfarastöðu fótboltaliðsins og svo þetta að hanga á þessari ákvörðun.

Kannski hefur enginn áhuga á þessu lengur en samt er það svo að það er ekki lengra síðan en 2016 sem landsliðið var í úrslitum á EM.

Ísland fékk stóran skell á Spáni

"Kjarninn" sem kemst ekki einu sinni í hóp hjá félagsliðum sínum!

Landsliðsþjálfari karlalandsliðsins í fótbolta er alltaf samur við ruglið í sér - og árangurinn í leikjunum í samræmi við það. Velur menn í landsliðið sem geta ekki neitt og komast ekki einu sinni í liðið hjá þeim félagsliðum sem þeir eru að spila með. 

Svo eru þarna menn sem þetta skoffín velur aldrei í landsliðið, þ.e. eru ekki í "kjarnanum", sem þó spila reglulega með félagsliðum sínum og þykja bara nokkuð góðir!

Dæmi um þá sem eru fyrir utan "kjarnann" og koma eflaust aldrei inn í hann úr þessu, er Viðar Ari Jónsson sem er búinn að eiga mjög góð tímabil í Noregi og er kominn til hörkuliðs í Ungverjalandi, Aron Sigurðarson sem var á mála hjá besta liðinu í Belgíu og er nú kominn í ágætis lið í Danmörku sem er á leið í efstu deildina þar í landi - og svo auðvitað Willum heilbrigðisráðherrans, þetta mikla efni sem er aftur komið á fulla ferð eftir meiðsli. 

Í staðinn er maður eins og Andri Fannar Baldursson valinn, sem kemst ekki í lið sitt í Danmörku, Andri Guðjohns sem er varamaður í liði í spænsku þriðju deildinni og bróðir hans Sveinn Aron sem kemst ekki í lið sitt í Svíðþjóð. 

Þarna er auðvitað meira rugl sem sýnir að landsliðsþjálfarinn er alls ekki starfi sínu vaxinn (eins og árangur hans með liðið er augljóst dæmi um).
Og ekki stendur KSÍ-forystan sig betur. Vanda (gættu þinna handa) var kjörinn forseti þrátt fyrir að hún studdi af alefli þennan bjána sem nú er landsliðsþjálfari karla, sem auðvitað sýnir dugleysi þessarar hreyfingarinnar.
Hæfir kjaftur skel.

 

Kjarninn fyrir næstu verkefni fundinn

Sérkennileg lýsing

Ef maður hefði ekki verið að horfa á leikinn í sjónvarpinu þá gæti maður haldið að íslenska liðið hafi átt meiri hlutann í fyrri hálfleiknum samkvæmt lýsingunni hérna.
Ef litið er á tölfræðina kemur hins vegar annað í ljós. Rúmenar hafa verið með boltann í 63% tímans, átt sjö skot en Íslendingar tvö. Þar af eru skotin á mark fjögur hjá Rúmenum en ekkert hjá Íslandi!

Svo þetta að Ísak Bergmann hafi nauðsynlega brotið á Rúmmena þó svo að hann hafi fengið gula spjaldið fyrir. Þá gleymir lýsandinn að segja frá því að þetta var þriðja brot Ísaks svo gula spjaldið var uppsafnað. Réttast væri auðvitað að taka hann útaf í hléinu svo hann fái ekki einnig rauða spjaldið.

Svo er það leikurinn sem á að hafa verið jafn og vel spilaður (í fyrri hálfleik)! Í liðinu eru menn sem varla hafa sést eða varla átt sendingu á samherja. Vörnin er búin að vera arfaslök, sérstaklega miðverðirnir, enda í engri leikæfingu. Þá sést þessi Stefán Þórðar ekkert og Sveinn Aron er auðvitað vita vonlaus þarna frammi. Svo eru það þulirnir hjá RÚV, þeir eru auðvitað sér á parti (strákarnir "stóðu sig svo ótrúlega vel", "mjög flottir" osfrv.)!

Íslenska liðið er hins vegar búið að vera þrælheppið þar sem af er og Rúmenarnir algjörir klaufar að vera ekki búnir að skora nokkur mörk. Það átti við allan leikinn. Skotin hjá þeim voru 11 þegar upp var staðið en fjögur hjá Íslandi og skotin á mark sex á móti engu hjá landanum!

Ég spáði því svo að engar skiptingar yrðu gerðar hjá íslenska liðinu fyrr en það rúmenska væri búið að gera þrjár til fjórar skiptingar. Það hefur nefnilega verið venja hjá íslensku þjálfarunum alveg sama hvernig staðan er! Reyndin voru þrjár!
Svo loksins þegar skiptingarnir komu voru það drengir sem komu inná fyrir drengi. Reynsluboltarnir sitja á bekknum því nú er verið að byggja upp til næstu 10 ára! Það er afsökunin fyrir því að hafa tapað nær öllum leikjum keppninnar hingað til.
Var það ekki Alex Ferguson sem sagði að það ætti alltaf að velja bestu leikmennina? Og hann er auðvitað ekki einn þeirrar skoðunar.

 

Markalaust jafntefli gegn Rúmenum

Meðvirkni Moggans

Íþróttafréttamaður Moggans er greinilega mikið í mun að ganga í augun á þjálfurum íslenska landsliðins. Loksins hafin uppbygging liðsins!

Þeir eru ekki allir svona glaðir íþróttafréttamennirnir með þessa "uppbyggingu". Á fotbolti.net er bent á að sjö af þeim sem voru valdir í þennan síðasta landsliðshóp gætu verið að spila með 21 árs liðinu. Tekið skal fram að það á mjög erfiðan leik - og mikilvægan - gegn Portúgal á sama tíma og A-landsliðið er að spila og geta því ekki verið með í þeim leik. Óhætt er að segja að með þessu vali á A-liðinu sé verið að eyðileggja fyrir 21 árs liðið.

Þetta eru markverðirnir Elías Rafn Ólafsson og Patrik Sigurður Gunnarsson, miðju­mennirnir Ísak Bergmann Jóhannesson, Þórir Jóhann Helgason, Mikael Egill Ellertsson og Andri Fannar Baldursson og sóknarmaðurinn Andri Lucas Guðjohnsen.  
Tekið skal fram að það eru aðeins markmennirnir sem eru að spila reglulega með félagsliðum sínum. Hinir eru aðallega á bekknum eða ekki í hóp.

Sama má segja um fleiri leikmenn í liðinu. Þeir fá lítið sem ekkert að spila með félagsliðum sínum. Enn einn bættist nú í landsliðshópinn, Daníel Grétarsson, en hann hefur ekki einu sinni verið í leikmannahópi Blackpool undanfarið þó ómeiddur sé.

Ég veit að margir eru farnir að kalla eftir því að landsliðsþjálfararnir verði reknir. Eitt jafntefli það sem af er keppni - og eitt tap í viðbót - ætti að vera nóg fyrir nýja stjórn KSÍ að láta þá fara.
Það verður þá í þriðja sinn sem Arnar Þór Viðarsson yrði látinn taka poka sinn. Tvisvar áður hefur hann skilið við lið sitt í rjúkandi rúst, Cercle Brügge og Lokaren. Allt er þegar þrennt er.

Uppbygging á nýju liði er hafin