Hvar er lögreglan?

Bærinn er fullur af fólki allar helgar, í alls konar ástandi, en lögreglan sést aldrei.
Hún ber örugglega manneklu við en það er samt dálítið skrítið.
Alla vega þegar fréttir bárust af því þegar grænlenski togarinn kom til hafnar um daginn. Þá voru 16 lögreglubílar á hafnarbakkanum til að taka á móti honum (eða voru þeir 26?).
Þá vantaði ekki mannskapinn.

Lögreglan verður að fara að fara að breyta vinnubrögðunum. Lög eru einfaldlega brotin (tómur bókstafur) ef ekkert eftirlit er til staðar.

 

„Ég hef sjaldan upplifað verri daga“

Frekar loðin yfirlýsing!

Freyr: "Hlut­verk landsliðsþjálf­ara er að und­ir­búa sitt lið og stýra því í verk­efn­um með það fyr­ir aug­um að ná sem best­um knatt­spyrnu­leg­um ár­angri. Með það í huga vel ég alltaf það sem ég tel besta liðið hverju sinni."

Það sem hann bætir svo við skiptir í raun engu því þetta er aðalatriðið. Hans (geðþótta)mat gildir alltaf við val á liðinu, sama hvernig leikmennirnir eru að spila og hvar.

Svo þarf Freyr auðvitað að svara fyrir það hvort hann hafi sagt við umrædda leikmenn að val þeirra á landi (og félagsliði) kunni að hafa áhrif á það hvort þær væru valdar í landsliðið eða ekki. 
Yfirlýsingar þeirra benda til þess að hann hafi gert það.

Svona almennt orðuð (og frasaleg) yfirlýsing breytir engu um það.

Skiptir ekki máli hvar leikmenn spila