Theódór Elmar of dýr fyrir Randers

Nú er komið í ljós af hverju Theódór Elmar skiptir um lið í dönsku úrvalsdeildinni á næstu leiktíð. Randers hafði ekki efni á að borga honum þau laun sem hann krafðist en það hefur AGF.

Lýsingin á honum sem knattspyrnumanni er glæsileg, sjá hér: http://jyllands-posten.dk/sport/fodbold/superliga/agf/ECE7764086/AGF-snupper-islandsk-landsholdsspiller/

 

Theódór Elmar semur við AGF

Hlýrra?

Skrítin þessi fyrirsögn því í fréttinni kemur fram að hitinn í hafinu hafi ekki verið lægri síðan 1997.
Menn eru kannski orðnir svo vanir þessu hnattræna hlýnunartali að það smitast ósjálfrátt inn?

Legg til að menn fari núna að venja sig við það að kaldari tími fari í hönd eins og þetta ár hefur svo rækilega sýnt okkur.

Hitastigið ekki lægra síðan 1997

Lélegur brandari eða?

Þetta er nú einhver ótrúlegasti farsi sem leikið hefur verið fyrir landsmenn í fréttum undanfarinn fjórðung úr sólarhring eða svo.

Hvað ætli margir sérsveitar- og lögreglumenn hafi tekið þátt í þessari aðgerð? Og kostnaðurinn? Svo ekki sé talað um óþægindin fyrir íbúana.

Svo reyndist enginn vera í íbúðinni (og líklega enginn skotið úr henni eða í henni í háa herrans tíð!)!

Hvernig hefði nú verið að komast fyrst að því hver eigandinn væri og hringja svo í hann (t.d. til að tala hann til)?

Þessi vinnubrögð eru þó ekki kómíst heldur einfaldlega til háborinnar skammar. Lögregluyfirvöld hafa greinilega ekkert lært af drápinu á geðbilaða manninum í Hraunbænum fyrir einu og hálfu ári síðan. Í stað þess að ná tali af viðkomandi er byssunum ætlað að tala.

Hervæðing löggunar er eflaust helsta ástæða þessa. Fyrst byssurnar eru til þarf að nota þær. Fyrirmyndin að þessari hervæðingu er þó meira að segja farin að sæta gagnrýni í föðurlandinu, Bandaríkjunum, þar sem löggan drepur að meðaltali tvær manneskjur á dag (flesta dökka á hörund). Blessuð friðardúfan hann Obama er farinn að setja spurningarmerki við byssugleði löggunnar þar í landi og vill nú draga úr henni.

Spurningin er hvort ekki sé full þörf á að afvopna sérsveitina "okkar" og taka upp gömlu aðferðina í staðinn: Að tala við viðkomandi (ef einhver er!) og reyna að sansa hann til?

Mikill viðbúnaður en íbúðin tóm

Ætli þeir drepi þennan líka?

Ég held að það sé í fersku minni margra þegar lögreglan drap geðveikan manninn í Hraunbæ í desember 2013. Síðan þá hefur verið mikil umræða um vopnakaup lögreglunnar (eða gjafir til hennar) frá Noregi.

Hervæðing lögreglunnar hér á landi virðist vera staðreynd rétt eins og í Bandaríkjunum en þar drepur löggan tvo menn á dag að meðaltali. 

Vonandi verður þessi ekki einnig drepinn en sérsveitin mun vera vopnuð vélbyssum svo það er kannski borin von.

Grunur um byssumann í Kópavogi

Krónprins Blatters ákærður!

Jeffrey Webb, sem var handtekinn í dag, var sá sem Blatter vildi að tæki við sér sem forseti FIFA. Blatter kallaði hann félaga sinn, vin og bróður.

Tengsl Blatters við þá menn, sem hafa verið fangelsaðir, hafa einnig verið mjög mikil og hann hefur hrósað öllum þessum mönnum. Það hlýtur því að vera aðeins tímaspursmál hvenær Blatter sjálfur verður ákærður og fangelsaður. 

Samt tekur KSÍ-klíkan enga afstöðu gegn þessari spilltu forystu FIFA og alls ekki gegn forsetanum.

Þeir, sem eru sjálfir siðspilltir, sjá nefnilega ekkert að slíku. Siðspillingin er einfaldlega eðlileg og sjálfsögð fyrir þeim.

Blatter fagnar aðgerðunum

Hvað með Landsbankann og Icesave?

Merkilegt hvað Björgólfur Þór og faðir hans hafa sloppið vel hingað til undan réttvísinni. Þeir hafa valdið miklu meira tjóni en þessir Kaupþingsmenn, en ennþá hefur ekkert mál verið hafið á hendur þeim. Hvað veldur?

Hér er frétt um Björgólf yngra, hverju hann fékk að halda við "gjaldþrot" sitt og hversu vel það hefur ávaxtast síðan:

http://e24.no/naeringsliv/naa-er-thor-bjorgolfsson-dollarmillardaer-igjen/23458018

Stórt, flókið og tímafrekt

Og sá tekjuhæsti?

Indriði var með 2.214.200 kr. norskar í laun á síðasta ári, sem gerir 39 milljónir íslenskra króna eða yfir 3,2 milljónir í laun á mánuði. Hann var þannig langtekjuhæstur íslensku leikmannanna í Noregi.

Hætt er við að hann lækki talsvert í launum við að koma heim - nema KR-ingar séu það moldríkir að þeir geti borgað svipað ...

Indriði kveður Noreg sem methafi

Lýsing á frammistöðu Eggerts

"Den islandske midtbanespiller leverede stærkt i en levende kamp, der egentlig burde være sluttet med langt flere scoringer end den ene, der faldt til sidst i Hobro. Eggert Jónsson er et godt billede på den solide indstilling, der i de seneste runder har kendetegnet FCV-holdets slid i kampen for at undgå nedrykningen, som holdet fortsat står som favorit til på trods af at have lavet 10 point i de seneste seks kampe." 

http://www.tipsbladet.dk/nyhed/superliga/rundens-hold-i-superligaen-29-runde-0

 

Eggert Gunnþór í liði vikunnar

Góðum stöðum?

Jóhann var manni undir í skákinni gegn Braga en að vísu með hættulegan frelsingja sem mótvægi - en lék af sér og tapaði sannfærandi.

Hjörvar stóð nær allan tímann aðeins verr gegn Lenku en undir lokin skipti skákin einu sinni um eigendur. Hjörvar lék svo illa af sér, heilum hrók í einum leik, og tapaði í aðeins 33 leikjum! 

Sannfærandi hjá Hannesi

Af hverju mótmælir enginn?

Ef þetta hefði gert í einhverju öðru landi en landi sem er vinveitt vestrænum ríkjum, hefði vestræna pressan látið öllum illum látum. 

Lýðræðilega kjörnum forseta steypt af stóli og svo dæmdur til dauða ásamt hundruðum ef ekki þúsundum stuðningsmanna sinna!

Í stað þess að mótmæla keppast vestræn ríki um að selja valdaránsstjórinni vopn og heiðra hana með vináttuheimsóknum.

Þessi hræsni hér á Vesturlöndum er farin að minna á afstöðu fjölmiðla á 4. áratugnum þegar Hitler komst til valda og lét drepa fjölda pólitískra andstæðinga sína. Þá sem nú þagði heimspressan.

Morsi dæmdur til dauða