Hafinn yfir lög og rétt!

Þessi maður virðist komast upp með allt það ólöglega sem hann gerir. Húsið hans og draslið þar í kring er algjörlega ólöglegt en samt er ekkert af þessu fjarlægt né hann látinn borga neinar sektir fyrir að hafa búið þarna og draslast í algjöru óleyfi til fjölda ára.

Núna kemst hann svo upp með að brenna drasl í borgarlandinu en bændur mega ekki einu sinni gera slíkt á þeirra eigin landaeign langt frá öðrum bústöðum hvað þá þéttbýli.

Af hverju ætli þetta sé? Vegna þess að hann er vinur Davíðs (eða var)? Varla því sá senuþjófur hefur ekkert vald lengur. Varla vegna kvikmynda hans því allar myndirnar hans undanfarið (ef einhverjar eru) hafa floppað.

Ætli það sé kannski vegna þess að hann er gamalt vesturbæjaríhald og MR-ingur? Líklega er það skýringin ...

Kveikti eld á Laugarnestanga

1.138 milljónir við að vakta gos langt frá mannabyggð!

Já, svo segja menn að lobbýisminn borgi sig ekki - og/eða það að gera sem mest úr hlutunum, hættunni af gosi í þessu tilviki, til þess að fá sem mestan pening til "rannsókna".

Þetta er ekki í fyrsta eða eina skiptið sem "vísindin" gera ýkt mikið úr yfirvofandi hættu til að fá pening til starfsemi sinnar.

Ég held að það sé óhætt að segja að talsmenn ofsa-alheimshlýnunar sé sá aðili sem mest og best hefur þénað á slíku undanfarið.

Veðurfræðingar leika þar stórt hlutverk, rétt eins og hér á landi hvað varðar að gera sem mest úr hættunni af gosinu í Holuhrauni.

Maður verður auðvitað að taka hattinn ofan fyrir þessu liði og óska því til hamingju með árangurinn. Hann er auðvitað stórkostlegur miðað við að flestar aðrar rannsóknir, hvort heldur á raunvísindasviði eða á sviði hugvísindar, eru stórlega sveltar þessi misserin og hafa verið lengi.

Hvort þessi vinnubrögð við að kría út meira en milljarð úr ríkissjóði séu dæmi um heiðarleika, vísindalega hlutlægni og samkvæmt siðreglum háskólasamfélagsins er svo allt önnur ella.

 

445 milljónir í eftirlit á gosstöðvum

Loksins fréttir frá Libýu

Loksins heyrast einhverjar fréttir af ástandinun í Libýu eftir afskipti Vesturveldanna af innanríkismálum þar, þar á meðal Danmerkur og Noregs og með stuðningi íslensku kratastjórnarinnar (m.a.s. þingmanna Vinstri grænna), eftir morðið á Gaddafi og rigulreiðinni sem hefur ríkt í landinu síðan þá.

Af þessari frétt má ráða að núverandi ríkisstjórn í Libýu er vestrænum þjóðum ekki þóknanleg, líklega vegna þess að þeir eru ekki nógu kapitalískir, enda sumir hverjir fyrrverandi samstarfsmenn Gaddafis sem snerust þó gegn honum. Það er líklega ástæðan fyrir því að stjórn landsins fær enga aðstoð til að koma á lögum og reglu í landinu.

Þetta ástand er ekki aðeins hörmulegt fyrir íbúa landsins heldur einnig fyrir flóttafólk sem vígamenn í Libýu hafa að féþúfu og senda út á Miðjarðarhaf í opnum, hriplekum trébátum í leit að lukkunni í Evrópu með þeim afleiðingum að þúsundir barna og kvenna (ófrískra) drukkna á leiðinni.

Flóttamannavandamálið í Evrópu er að verða gríðarlegt vegna ástandsins í Libýu. Það hlýtur að vekja furðu fleiri en mína að ekkert skuli vera gert til að stöðva þessa starfsemi í landinu - meðal annars með því að styðja við stjórn landsins, eða jafnvel senda þangað liðsafla til að stoppa flóttamannastrauminn - og þannig koma í veg fyrir drukknun þúsunda manna - og viðvarandi flóttamannavandamál í Evrópu.

Nei, mannréttindi þessa fólks og hjálparstarf meðal þeirra er ekki á dagskrá hér á Vesturlöndum því pólitískur vilji er ekki fyrir hendi. Það nýtist nefnilega ekki í áróðursstríðinu og útþennslustefnu hins kapitalíska heims.

Mikilvægi Rússa til mótvægis við þessa grímulausu hagsmunapólitík vestrænna ríkja er því að verða aftur augljóst. Kannski var kalda stríðið mjög mikilvægt einmitt fyrir þriðja heiminn til að takmarka arðrán á þessum heimshluta - og því ekki alslæmt að það sé að hefjast aftur með styrkingu Rússa á alþjóðavettvangi?

 

Líbíumenn vilja vopnabann afnumið

Er ekki kominn timi á Arnór í landsliðið?

Arnór Traustason hefur staðið sig mjög vel með 21 árs landsliðinu og með Norrköping síðan hann kom þangað í fyrra.

Samt hefur hann ekki fengið neitt tækifæri með íslenska landsliðinu, ekki einu sinni með b-liðinu svo sem í leikjunum tveimur gegn Kanada eða nú seinast gegn Eistlendingum. 

Í staðinn eru menn með mun minni reynslu valdir í liðið. Af hverju? Spyr sá sem ekki veit.

Svo þegja auðvitað fjölmiðlafræðingarnir þunnu hljóði, kannski vegna þess að þeir vilja ekki verða fyrir einelti í kokteilpartíum hjá KSÍ, eða vera ekki einu sinni boðið í þau?

Arnór lagði upp tvö - Jón Guðni og Rúnar í sigurliði

Hvað er í gangi milli Alfreðs og Arons?

Þeir virðast ekki talast við landarnir og liðsfélagarnir.

Öðruvísi mér áður brá þegar Alfreð hló tröllahlátri yfir stjörnustælunum í Aroni. Ætli sá síðarnefndi hafi gengið of langt í því einhverju sinni?

Stórmeistarajafntefli í Þýskalandi

Ekki Gummi Tóta?

Flestir reiknuðu með að Guðmundur Þórarinsson yrði annar þeirra sem væri valinn í stað Arons og Eiðs, en vegir landsliðsþjálfaranna eru órannsakanlegir.

Ólafur Skúlason hefur reyndar verið lengi í hópnum, og hefur verið að spila mikið í Belgíu í vetur, þannig að valið á honum ætti svo sem ekki að koma mikið á óvart. En Rúnar Már, en ekki Guðmundur, vekur athygli.

Rúnar hefur í raun afar takmarkaða reynslu af að leika á efsta stiginu. Hann spilaði ekki mikið í b-deildinni sænsku í fyrra til að byrja með og hefur aldrei spilað í efstu deildum nema hér heima (misheppnuð vera í Belgíu er dæmi um það). Guðmundur var hins vegar burðarásinn í liði sínu í Noregi á síðasta tímabili og spilar reglulega í sterkri danskri úrvalsdeild nú eftir áramótin.

Reyndar virðist styrkleiki deilda ekki skipta landsliðsþjálfarana miklu máli. Jón Daði t.d. var skipt inná í landsleiknum í gær á undan Alfreð þrátt fyrir að sá síðarnefndi sé að spila í bestu deild í heimi. Gæðamunurinn á þeim sást strax þegar Alfreð kom loks inná og var þegar mjög ógnandi. 

Þá var Birkir Bjarna sem spilar með frekar slöku liði, í b-deildinni ítölsku, í byrjunarliðinu en ekki Emil Hallfreðsson sem er að spila vel í ítölsku úrvalsdeildinni.

Emil á reyndar að spila á miðjunni eins og sást þegar hann leysti Aron Einar af. Með þeirri innáskiptingu létti pressunni á íslenska liðinu enda passar Emil mun betur sitt svæði en Aron gerir.

Rúnar Már og Ólafur Ingi í landsliðshópinn

Fífl þessi saksóknari

Þessi franski saksóknari er greinilega algjört fífl (nema auðvitað að hann hafi fengið vel borgað fyrir, sem gerir hann reyndar að enn meira fífli en ella) og ætti að reka hann strax úr starfi. Ég hélt að reglan, sérhver maður er saklaust þar til sekt hans sannast, sé grundvallarregla í Frakklandi sem annars staðar. Reyndar virðist þessi regla ekki vera lengur í gildi og menn dæmdir fyrirfram, ekki aðeins af götunni heldur einnig af pressunni og dómsvaldinu.

Þá er stórfurðulegt hvernig lögreglurannsókninni er lekið í fjölmiðla. Sagt að fundist hafi veikindavottorð á heimili mannsins þar sem fram kemur að hann hefði átt að taka sér frí frá vinnu.

Halló! Hvað er gert við rannsóknaraðila sem lekur slíku (og hvað ætli hann hafi fengið borgað mikið fyrir þessar upplýsingar?). Ekkert?

Hissa á framgöngu saksóknarans

Sérhver maður er saklaus þar til ...

Það er merkilegt hvað fjölmiðlar og fleiri eru fljótir að finna sökudólginn. Yfirleitt hafa menn ekki verið svona yfirlýsingaglaðir þegar um flugslys, eða önnur stórslys, er að ræða og bíða eftir niðurstöðu opinberra rannsókna (flugslysanefnda osfrv.).

Saksóknari í Frakklandi var hins vegar fljótur á sér og kallaði slysið morð - og þá væntanlega aðstoðarflugmanninn morðingja. Þetta éta allir fjölmiðlar upp. Síðan kemur æsifréttablaðið Bild með sína útgáfu og enn éta fjölmiðlar þetta upp.

Spurningin er hvort ekki sé rétt að hætta að tala um dómstól götunnar og tala frekar um dómstól fjölmiðlanna, svo lágt er nú komið fyrir þeim.

Og allt byggist þetta á einhverjum afrita eða svörtum kassa sem mun í þokkabót vera illa laskaður eftir slysið.

Eða er kannski fréttaflutningurinn fyrst og fremst hugsaður til að fría flugfélagið, flugvélaframleiðandann og flugmálayfirvöld undan ábyrgð - sem og stjórnvöld almennt vegna þeirra fáránlegu varúðarregla sem gilda í fluginu?

Reyndi að brjóta niður hurðina

Þorri á bekknum!

Furðulegt að Þorri sé á bekknum því hann lék með síðasta 21. árs liðinu í umspilsleiknum hér heima gegn Dönum og stóð sig mjög vel.

Hefur honum farið svona mikið aftur síðan en hinum svona mikið fram, sem komust ekki einu sinni í hópinn í síðustu keppni?

Þriggja marka tap í Rúmeníu

Frekar ólíklegt að hægt sé að læsa flugmanninn úti!

Þessi samsæriskenning er í meira lagi skrítin, þ.e. að ekki sé hægt að komast inn í flugstjórnarklefann ef sá sem er fyrir inni í honum vill það ekki.

Reyndar segir í þessari frétt hvernig hægt er að komast hjá þessu, þ.e. að varúðarráðstafanir séu gerðar vegna slíks möguleika.

Annars er ítarleg frétt mbl.is um þetta ferli nokkuð sérkennileg því svo virðist sem þær séu algjört leyndarmál. Slíkt má ekki fréttast út því hætt er að menn sem vilja ræna flugvélum geti nýtt sér þær.

Í frétt norska Dagblaðsins er vitnað í viðmælenda blaðsins um slíkar ráðstafanir, en hann vill ekki gefa þær upp af fyrrgreindum ástæðum:

http://www.dagbladet.no/2015/03/26/nyheter/utenriks/germanwings/flystyrt/flyulykke/38403417/

Mogginn, eða viðmælendur hans, telur ekki vera þörf á slíku. Enginn flugræningi les jú íslensku!

Lækkaði vísvitandi flugið