Á nú að fara að verja útrásarvíkingana?

"Þetta kemur fram" segir í fréttinni eins og um staðreynd sé að ræða. Þannig tekur blaðamaðurinn afstöðu með verjendum sakborninganna í stað þess að skrifa hlutlausan stíl eins og þennan: "Verjendur fullyrða að verulegir annmarkar hafi verið á rannsókn" osfrv.

Þetta bendir til þess að dagskipun ritstjórans til blaðamannsins sé að hvítþvo útrásarmennina, rétt eins og herferð Hannesar Hólmsteins og Víglundar Þorsteinssonar þessa daganna gengur út á.

Þessi hvítþvottur felur auðvitað óbeint einnig í sér hvítþvott á sjálfum ritstjóranum, Davíð Oddssyni. 

Amk er þetta ekki dæmi um hlutlausa fréttamennsku.

„Á flótta undan eigin gjörðum“

Spurning um lojalitet?

Það hlýtur að vekja furðu fleiri en mína hve Aron hefur verið mikið "meiddur" undanfarið, eða ekki treyst sér í að spila. Ef ég man rétt var hann ekkert með í umspilsleikjunum gegn Bosníu og ekki heldur nú í undankeppninni gegn Svartfjallalandi þar sem við töpuðum. 

Nú í undanfara HM og á sjálfu mótinu hefur hann ekki verið aðgengilegur nema í einum og einum leik og verið slakur í flestum þeim leikjum sem hann hefur verið með í (svo sem í tapleikjunum stóru gegn Svíum og Tékkum).

Mér finnst það vekja upp spurningar um lojalitet hans gagnvart landsliðinu - og leyfi mér að efast um að "meiðsli" hans nú séu það alvarleg að hann geti ekki spilað. Miklu frekar að hann sé að hlífa sér og hugsi meira um eigin hag með félagsliði sínu en um hag landsliðsins. 

Kim Andersson hjá Svíum er í sömu sporum, eða verri. Hann er meiddur í öxl og viðurkennir að hann sé að velta því fyrir sér hvort hann verði með í leiknum gegn Pólverjum í kvöld því það gæti bitnað á starfi hans sem leikmanns félagsliðsins.

Mér skilst samt að hann setji landsliðið framar en eigin hag og verði með í kvöld. Mættu fleiri, ónefndir, hugsa á sama hátt.

Annars veikir fjarvera Arons íslenska landsliðið ekkert eins og á stendur núna. Liðið sýndi það í leiknum gegn Egyptum að það getur vel staðið sig án hans.

Aron ekki með gegn Dönum

Lýsing Hauks Harðarsonar!

Samkvæmt Hauki Harðarsyni í lýsingu hans á RÚV af leiknum var dómgæslan allt í lagi!

Reyndar segir það meira um vit þessa íþróttafréttamanns á handbolta en hvernig raunveruleikinn var, enda er ég sammála Patreki. Leikurinn var einn stór dómaraskandall.

Þá finnst mér það jaðra við skandal að Haukur er látinn lýsa handboltaleikjum. Hann hefur lítið vit á íþróttinni auk þess sem hann er mjög hlutdrægur, heldur alltaf með "betra" liðinu.

Hann lýsir báðum leikjunum á RÚV í dag, einnig leik Króata og Brasilíu. Þar sagði hann meðal annars, þegar munurinn var eitt mark Króötum í vil, að þeir þyrftu ekkert að hafa fyrir leiknum. Svo breyttist aðeins hljóðið í honum þegar Brassarnir voru komnir tveimur mörkum yfir, eins og staðan er nú í hálfleik!

Ég sá skömmustusvipinn

Fjarska loðið!

Umboðsmaðurinn tiplar á tánum og segir ekkert hreint út. Orð eins og "samrýmist ekki" osfrv. er yfirleitt notuð en aldrei sagt beinum orðum að ráðherrann hafi brotið lög - og að þar með skuli gefin út ákæra á hendur henni. 

Reyndar kemur fram í áliti umboðsmanns að í fyrri bréfum Hönnu Birnu til umboðsmanns að hún hafi iðulega sagt ósatt um málið. Samt virðist hún sleppa við ákæru fyrir þær sakir, að því er virðist vegna þess að hún játar það í bréfinu frá í byrjun janúar - og einnig vegna þess að hún hafi neyðst til að segja af sér embætti. Það sé nægileg refsing.

Eftir stendur þó að hún heldur stöðu sinni sem alþingismaður, þrátt fyrir þessi alvarlegu afglöp í háttsettu opinberu starfi, nokkuð sem ég tel reyndar mjög hæpið að standist lög og siðareglur þingsins. 

Hér tíðkast því silkihanskarnir og spurning hverjum sé gerður greiði með því. Ekki stjórnsýslunni a.m.k.

Samskipti samræmdust ekki reglum

Sverrir fær mikið hrós

Sverrir Ingi fær mikið hrós hjá forseta Viking samkvæmt norskum netmiðlum. Hann er sagður eiga framtíðina fyrir sér í bestu deildum Evrópu enda ungur - og eigi eftir að fara á miklu hærra verði.

Sagður 20 ára en er 21 árs (fæddur 1993):

http://www.adressa.no/100Sport/fotball/eliteserien/article486633.snd

 

Ólafur reyndi að ná í Sverri Inga

Ótrúlega lélegt!

Það er furðulegt að horfa upp á leik íslenska landsliðsins í handbolta. Getur ekkert í upphafi leikja, nema í leik sem í raun skipti engu máli (gegn Frökkum).

Það virðist sem mjög auðvelt sé að lesa leik liðsins og undirbúa sig gegn því. Hins vegar virðist Aron og íslenska þjálfarateymið eiga í miklum vandræðum með það sama hjá andstæðingunum.

Annars er liðskipanin og skortur á innáskiptingum helsti gallinn á stjórnun liðsins. Snorri spilar ótrúlega mikið svo dæmi sé tekið, þó ekkert gangi í sókninni, en Arnór Atla kemur ekkert inná.

Íslenska liðið, eins og það er skipað núna, er greinilega eitt lélegasta lið keppninnar. Sem dæmi má nefna að Bosnía, sem vann Ísland í umspilsleikjunum fyrir HM, er í næstsíðasta sæti í sínum riðli og er á leið út úr keppninni. Sama er að gerast með íslenska liðið. Ekki sakna ég þess þegar það spilar svona.

Risatap gegn Tékkum

Hvað með afstöðuna til múslima?

Þessi Sveinbjörg er greinilega alveg úti að aka - og spurning hvort forysta Framsóknarflokksins geri ekki best í því að láta hana taka poka sinn. Hún kemur svo sannarlega óorði á flokkinn.

Þessi ummæli sem höfð eru eftir henni eru vægast sagt óheppileg. Vissi ekki um afstöðuna til samkynhneigðra - og því hafi skipun Gústafs verið afturkölluð!

Ef rétt er eftir haft, þá er Sveinbjörg þar með að segja að hún geri engar athugasemdir við ummæli hans um múslima, svo sem að það ætti að banna islamstrú hér á landi - og alls staðar í hinum kristna heimi!

Er þetta virkilega stefna Framsóknarflokksins í borginni hvað mannréttindamál varðar?

Þekktu ekki til afstöðu Gústafs

Aldrei kaus ég íhaldið!

Merkileg þessi uppákoma með hann Gústa greyið!

Hann virðist elska að próvókera en líklega meinar hann þetta allt saman.

Ég minni á að Gústaf er flokksbundinn sjálfstæðismaður og hefur marga vegtylluna þegið frá Flokknum. Hann á eflaust marga skoðanabræður þar - ekki aðeins í Framsókn.

Hvað ætli Brynjar bróðir segi annars um þetta?

„Hið afbrigðilega og ófrjóa“

Jökulsá á Fjöllum!

Er ekki enn verið að tala um hættuna á hamfaraflóði í Jökulsá vegna hugsanlegs goss í Bárðarbungu?

Samkvæmt þessari frétt er það bara bull. Allt fjasið um hættu á hamfaraflóði í Jökulsá er líklega bara tilraun til að leggja ferðaþjónustuna í Þingeyjarsýslum í rúst (svo auðveldara sé að virkja?) - já og jafnframt aðferð jarðvísindamanna, Veðurstofunnar og Almannavarna til að fá auka fjárveitingar til "rannsókna" frá ríkinu.

http://ruv.is/fr…/virkjanir-i-jokulsa-a-fjollum-til-skodunar

Segja Orkustofnun ógna friði rammaáætlunar

Dapur fyrri hálfleikur

Þetta er nú með daprari leikjum sem maður hefur séð. Íslenska liðinu munar svo sannarlega um að hafa Theodór Elmar ekki inná, ef maður miðar við fyrri leikinn.

Þá er sá sem leysir hann af, Haukur Heiðar, búinn að vera mjög slakur, seinn og klaufalegur, og var heppinn að fá ekki á sig annað víti.

Ljósu punktarnir eru Hólmbert frammi (ógnar miklu meira en Jón Daði) og Jón Guðni í vörninni.

Vonandi verða gerðar róttækar skiptingar í seinni hálfleik þar sem Haukur, Hörður, Rúnar, Jón Daði og Þórarinn verða fljótlega teknir útaf.

Leikir sem þessir telja nefnilega alveg eins mikið og alvöruleikir hvað röðun á stigalista Fifa varðar - og þannig þægilegri drátt í undankeppni næsta stórmóts.

 

Ísland og Kanada skildu jöfn