Ótrúlega lélegt!

Það er furðulegt að horfa upp á leik íslenska landsliðsins í handbolta. Getur ekkert í upphafi leikja, nema í leik sem í raun skipti engu máli (gegn Frökkum).

Það virðist sem mjög auðvelt sé að lesa leik liðsins og undirbúa sig gegn því. Hins vegar virðist Aron og íslenska þjálfarateymið eiga í miklum vandræðum með það sama hjá andstæðingunum.

Annars er liðskipanin og skortur á innáskiptingum helsti gallinn á stjórnun liðsins. Snorri spilar ótrúlega mikið svo dæmi sé tekið, þó ekkert gangi í sókninni, en Arnór Atla kemur ekkert inná.

Íslenska liðið, eins og það er skipað núna, er greinilega eitt lélegasta lið keppninnar. Sem dæmi má nefna að Bosnía, sem vann Ísland í umspilsleikjunum fyrir HM, er í næstsíðasta sæti í sínum riðli og er á leið út úr keppninni. Sama er að gerast með íslenska liðið. Ekki sakna ég þess þegar það spilar svona.

Risatap gegn Tékkum

Athugasemdir

[Torfi Kristján Stefánsson, 22.1.2015 kl. 19:46]

Var ekki einhver að segja að þetta íslenska lið væri sterkara en liðið á HM fyrir tveimur árum, sem lenti í 5. sætinu?

Líklega er þetta lélegasta liðið sem við höfum átt lengi, og byrjaði með töpunum gegn Bosníu (reyndar einnig gegn Makedónínu í undankeppni EM fyrir nokkrum árum). Aron Kristjánsson er greinilega ekki að valda starfi sínu. Gömlu mennirnir fá allt of mörg tækifæri. Guðjón er greinilega ekki svipur hjá sjón - skorar ekkert mark en klúðrar fjölda færa. Arnór Atla fékk aldrei almennilegt tækifæri þrátt fryir að hann bjargaði okkur í Alsírleiknum osfrv.

Svo er það vörnin ...

Leikurinn gegn Egyptum er fyrirfram tapaður og ættu áhugamenn um handbolta að sleppa því að horfa á þann leik. Maður verður jú að eiga eitthvað líf utan boltans.