ÚIlfur, úlfur ...

Drengurinn sen nú er sýslumaður þeirra Þingeyinga ætlar greinilega ekki að vera minni maður en Almannavarnir, Veðurstofan og Ríkislögreglustjóri. Nú á að takmarka aðgang ferðamanna að Goðafossi þó svo að skjálftavirknin sé komin af jöklinum og stefni öll frá upptökum Skjálfandafljóts!!!

Og enn á ekki að opna leiðina að Dettifossi þrátt fyrir að nær engar líkur séu á jökulhlaupi úr þessu!

Það hlýtur að vera spurning hjá ferðaþjónustunni hvort ekki sé hægt að kæra þessar ákvarðanir og fara fram á almennilegar skaðabætur vegna þessara geðþóttaákvarðana yfirvalda.

Það hlýtur að vera lögfræðileg spurning hversu langt sé hægt að ganga í vitleysunni.

Amk finnst sérfræðingum á þessu svið það, þ.e. eldfjallafræðingunum: http://vulkan.blog.is/blog/vulkan/entry/1432210/?fb=1 

Kynna nýja áætlun um rýmingu

Glataðir snillingar

Allur er varinn góður segja fleiri en nunnan ....

Reyndar vissi ég ekki að Ásbyrgi hafi verið lokað um daginn, eftir að "aprílgabbs"frétt Veðurstofunar um nýhafið eldgos fór í loftið, né vegurinn austan við Dettifoss! 

En athyglissýkin og viljinn til að sýna vald sitt er greinilega jafn mikil hjá Almannavörnum þeirra Þingeyinga og hún er hjá ónefndum aðilum á Veðurstofu Íslands.

Nú eru harla litlar líkur á einhverju hamfarahlaupi í Jökulsá á Fjöllum en samt er áfram níðst á ferðafólki og ferðaþjónustuaðilum á svæðinu. 

Já, allur er varinn góður ... eða þannig. 

Hólsfjallavegur opnaður austan frá

Sérkennilegt!

Ljóst er að viðbrögð ríkislögreglustjóra og Isavia hefur valdið óöryggi meðal flugfélaganna erlendu.

Talað hefur verið um að aska gæti náð til Skotlands ef að eldgos verði (já, það er hætt að tala um að eldgos hafi byrjað kl. 14 í gær!)  en allar veðurspár sýna suðlægar áttir næstu daga.

Norska veðurstofan gerir því ráð fyrir að hugsanleg aska, af enn hugsanlegra eldgosi, myndi fara í norður og norðvestur og lenda mestöll á Grænlandi ef öskugos yrði á næstu dögum.

En fyrst þarf auðvitað að byrja að gjósa - og í öðru lagi þarf það að ná yfirborðinu og að lokum að verða öskugos en ekki hraungos!

http://www.vg.no/nyheter/utenriks/vulkanasken-fra-island/hyppige-jordskjelv-soendag-morgen/a/23280489/

Öll viðbrögð stjórnvalda hingað til hafa þannig reynst ótrúlega ýkt og ástæðulaus með öllu. 

Fella niður flug vegna Bárðarbungu

Óhagstæð vindátt???

Þessi "viðbúnaður" vegna hugsanlegs goss í norðanverðum Vatnajökli, líklega í Dyngjujökli, er nú að verða sífellt farsakenndari.

Lokað hefur verið fyrir flugumferð langt fyrir sunnan land, þrátt fyrir að ekkert gos sé hafið og meira að segja ólíklegt að nokkurt hraun hafi náð að snerta jökulísinn sem mun vera um 500 metrar á breidd þar sem það á kannski að hafa gerst (og á þannig langt í land að komast upp á yfirborðið).

Þá er vindáttin af suðvestan eða jafnvel suðaustan á svæðinu þannig að ef svo ólíklega vildi til að einhvern tímann á næstunni færi að gjósa þarna myndi hugsanleg gosaska berast í norður- og norðaustur en ekki í suður!

Svo virðist sem allir aðilar, sem koma að ákvörðunartöku vegna gosóróans í Vatnajökli, hafi afskaplega mikla þörf fyrir að sýna vald sitt og gera sem mest vesen útaf málinu: "Hér er ég, með þetta vald, og notfæri mér það óspart"!

Sama hringavitleysan og í kringum gosið í Eyjafjallajökli er greinilega farin af stað - og það þó svo að ekkert gos sé sjáanlegt og engin leysing á jöklinum!

Ekkert um að vera nema aukinn gosórói, sem meira að segja virðist fara minnkandi eftir því sem liðið hefur á daginn! 

 

„Þetta er óhagstæðasta vindáttin“

Kaldastríðsáróður?

Þessi frétt hljómar nú eins og 20 ára gamall kaldastríðsáróður. Í stað þess að kalla Rússa komma eru þeir kallaðir fasistar nú.

Kasparov virðist hafa stuðning margra vestrænna ríkja, rétt eins og Karpov hafði þegar hann fór fram gegn sitjandi formanni og tapaði.

Íslendingar styðja Kasparov heilshugar enda hefur hann lengi verið í uppáhaldi hér á landi, þrátt fyrir alla klækina sem hann sýndi meðan hann var heimsmeistari.

Hér sést viðtal við hann þar sem hann á mjög málefnalegan hátt ber forseta Fide öllum illum sökum.

Talandi um skítkast:

http://www.vgtv.no/#!/video/86026/sjakkverdenen-velger-president-skitten-ordkrig-mellom-rivalene 

Kasparov skákar Ilyumzhinov

Ný "innrás"?

Samkvæmt skilgreiningu Bandaríkjamanna sjálfra er þessi "aðstoð" við flóttafólk í Írak bein innrás í landið. 

Amk segja þeir þetta um Rússana: Ef þeir veita íbúum í austurhéruðunum í Úkraínu mannúðaraðstoð þá jafngildi það innrás í Úkraínu, segir sendiherra USA hjá Sameinuðu þjóðunum.

Já, það gildir ekki sama um vestræn ríki og um Rússana. Mannúðin er svo miklu meiri í vestri - og beinist einng að réttu aðilunum!

Bretar íhuga þátttöku í árásum

Veðja á einangrun?

Þetta er enn ein hlutdræga umfjöllunin um átökin í Ukraínu og litið á málið með vestrænum gleraugum.

Rússar hafa ekki á nokkurn hátt stefnt á einangrun, heldur er það alfarið markmið ESB og Bandaríkjanna að einangra Rússa sem mest. Það hófst með samingi ESB við gömlu stjórnina í Úkraínu þar sem ætlunum var að draga úr áhrifum Rússa í landinu. Þetta sá m.a. okkar gáfaði utanríkisráðherra en var fljótur að snúa við blaðinu þegar óánægjuraddirnir fóru að heyrast frá vestrænum diplómötum.

Líklegt má telja að sú ákvörðun Rússa að veita uppljóstraranum Snowden landvistarleyfi hafi verið upphafið að áróðursherferðinni gegn Rússum - og Pútín sérstaklega. Það er nefnilega óleyfilegt í dag að vinna gegn bandarískum "hagsmunum" eins og þjóðarleiðtogar þeir, sem ekki hafa verið nógu leiðitamir, hafi kynnst svo rækilega.

Áróðurinn er auðvitað yfirgengilegur og látið eins og Rússar séu með útþennslustefnu. Málið er auðvitað þveröfugt vaxið. ESB og NATO eru með mikla útþennslu í austur og nú verður engum hlíft sem stendur í veginum fyrir því.

En Evrópulöndin hafa áður reynt að kúga Rússana en ekki tekist (Napoleon, bandamenn eftir fyrri heimstyrjöld og svo Hitler í þeirri síðari). Ég efast um að betur gangi nú, einmitt þegar ESB er næstum gjaldþrota og Kaninn verið það í raun í fjöldamörg ár. 

En þegar sverfir að heimafyrir reyna stjórnvöld að beina athygli almennings annað, m.a. með því að búa til óvinamyndir. Það er lausn kapitalismans við kreppum - og hefur oftar en ekki endað með skelfingu fyrir allan almenning.

Pútín býður Vesturlöndum byrginn

Loksins frétt um Gaza

Maður hefði haldið að það væri ekkert að frétta utan úr hinum stóra heimi, þegar rennt er yfir fréttirnar á mbl.is. Aðeins innlendar fréttir.

Á meðan eru nær allir fjölmiðlar á Norðurlöndunum með langar og ítarlegar fréttir af framferði Ísraela gagnvart íbúum á Gaza - og ríkissjónvörpin eru með eigin fréttaritara á staðnum, sumir á Gaza aðrir í Jerúsalem. 

Segja má að aldrei hafi verið eins margt fjölmiðlafólk og nú á svæðinu, árásirnar eru í benni útsendingu.

Því þýðir lítið fyrir fjölmiðlana hér að taka undir áróður Ísraela og Bandaríkjamanna um að þeir hafi rétt á að verja sig.

Þessar árásir eru ekki vörn, þetta er útrýmingarherferð:

https://www.facebook.com/photo.php?v=732602410112504 

Vopnahlé hófst á Gaza í morgun

"hans"?

Þetta er athyglisvert bréf, sem ég býst við að innanríkisráðherra hunsi. Hún (ekki hann) telur sig nefnilega greinilega hátt yfir lögin hafin - og túlkar bréfið auðvitað sem hluta að pólitískri aðför að sér.

 

Tryggvi krefur Hönnu Birnu um svör

Danskir kratar fylgja ESB

Það hefur vakið mikla athygli í Danmörku að formaður danska jafnnaðarmannaflokksins, Helle Thorning-Schmidt sem einnig er forsætisráðherra Danmerkur, skrifaði ekki undir sameiginlega yfirlýsingu formanna hinna norrænu jafnaðarmannaflokkanna þar sem framferði Ísraela á Gaza er fordæmt.

Talsmaður hennar ber því við að danskir jafnaðarmenn og þar með ríkisstjórnin fylgi línu ESB í þessu máli en í yfirlýsingu utanríkisráðherra ESB landanna frá 22. júlí sl. vöruðust þeir að gagnrýna Ísrael.

Af þeirri yfirlýsingu má sjá að í raun styður ESB framferði Ísraela, rétt eins og Bandaríkin gera. Þannig sýna vestræn ríki loks grímulaust hversu miklir hræsnarar þau eru. 

Eldur logar í orkuveri Gaza