"Þétting byggðar"

Þetta er reyndar aðeins eitt dæmi af mörgum hvernig hin svokallaða þétting byggðar gengur á hinar fornu minjar gömlu Reykjavíkur. Undanfarin ár og áratug hafa mörg hús við Grettisgötuna og Njálsgötuna frá byrjun síðustu aldar verið rifin og íbúðablokkir byggðar í staðinn. Átakanlegt dæmi er nú sýnilegt öllum aðeins austar á Njálsgötunni þar sem ný blokk hefur risið á kostnað tveggja gamalla húsa. Auk þess hefur hún þrengt svo að þriðja húsinu frá sama tíma, sem þó hefur fengið að standa, að garðurinn fyrir framan það hús er ekki nema svipur hjá sjón - en trén þar höfðu mikið verndargildi og áttu sinn þátt í því að þetta hús var ekki einnig rifið. 

Eftirlit borgarinnar með framkvæmdum sem þessum virðist lítið sem ekkert, þó svo að gengið sé mun lengra en byggingarleyfið samþykkir og trén þar fjarlægð í óleyfi.

Svar borgarskipulagsins við kvörtunum íbúana vegna lóðarinnar við Grettisgötu 17 og silfurreynisins þar er í raun dæmigert fyrir borgina, "þannig eru lögin", þó þau séu í raun alls ekki þannig.

Silfurreynirinn er auðvitað friðaður rétt eins og húsin tvö á lóðinni, svo það er greinilega handvömm hjá skipulagsyfirvöldum að leyfa eyðileggingu hans. 

Hins vegar efast ég um að  framkvæmdirnar verði stöðvaðar. Nútíminn krefst sitt. Helst hótel í hvert hús í miðbænum og niðurrif gamalla og smárra húsa sem séu einungis leifar frá fátækri Reykjavík - og þarf að fjarlægja.

Kannski má segja að virðingarleysið fyrir sögulegum minjum hafi náð hámarki með borgarstjórnarmeirihlutanum síðustu fjögurra ára og stefnu þeirra um þéttingu byggðar, sem sé ekkert annað en fegrun á hinu raunverulega markmiði: Að rífa gamla, óhagkvæma draslið.

Svo verða auðvitað verktakarnir og "fjármagnseigendurnir" að fá sitt.

Skorað á borgina að hætta framkvæmdum

Biðu í hálftíma eftir 20 mín. fundi!

KSÍ virðist hafa unun af því að hafa íþróttafréttamenn að fíflum!

Blessaðir grænjaxlarnir mættu samviskusamlega kl. 14 á fundinn, sem átti að byrja þá.

KLSÍ liðið lét hins vegar ekki sjá sig fyrr en 14.30 og sögðu fátt eða ekkert nýtt, enda stóð fundurinn aðeins í 20 mínútur.

Menn hljóta að hafa spurt sig eftir á hvort verið væri að hafa þá að ginningarfíflum, þ.e.a.s. ef þeir hafa einhverjar kvarnir í hausnum! 

Miðað við hvernig skrifað er um landsliðið á íþróttasíðum fjölmiðlanna og fjallað um það í ljósvakamiðlunum virðist kvarnirnar ekki vera til staðar - ekki frekar en hjá knattspyrnuforystunni.

Ætli þetta sé spilltasta sport í heimi (sbr. skandalana í kringum Qatar og Brasilíu)?

Fundur Lars og Heimis í beinni

Dettur enginn út?

Annað segir RÚV. Þar kemur fram að framherjinn ungi í FH, Kristján Gauti Emilsson, sé meiddur og hefur dregið sig út úr hópnum:

http://www.ruv.is/frett/tvaer-breytingar-a-islenska-hopnum 

 

Guðlaugur Victor inn í landsliðshópinn

Fimm mörk þar sem af er leiktíðinni!

Kristinn Steindórsson er virkilega að slá í gegn í sænsku úrvalsdeildinni í ár eftir frekar erfitt ár í fyrra með mikilli bekkjarsetu.

Í ár hefur hann hins vegar verið í byrjunarliðinu í flestum leikjum og skorað fimm mörk það sem af er.

Hann spilar yfirleitt á kantinum rétt eins og Jóhann Berg sem var að tilkynna forföll með íslenska landsinu. Þrátt fyrir það var hreinræktaður framherji tekinn fram fyrir Kristinn og bætt í landsliðshópinn, þ.e. liðsfélaginn Guðjón Baldvinsson, eins og það séu ekki nógu margir slíkir í liðinu.

Líkleg skýring er sú að landsliðsþjálfararnir telji sig vera nógu vel mannaða á vinstri kantinum, með hinum gífurlega "vinnusama" Birki Bjarnasyni þar sem fastan áskrifanda að sæti í byrjunarliðinu. Auk þess verður auðvitað að koma Birki í leikæfingu fyrir undankeppni EM í haust fyrst hann fær varla mínútu í leik með félagsliði sínu!

Já, vegir íslensku landsliðsþjálfaranna eru órannsakanlegir! 

Laglegt mark Kristins (Myndskeið)

Slakur leikur

Ekki var þetta vel spilaður leikur af hálfu íslenska liðsins! Jafnteflið var ekki sanngjörn úrslit!

Þá var ótrúlegt val á liðinu og útafskiptingarnar skrítnar en ekki innáskiptingarnar. 

Eins og venjulega fengu slakir leikmenn eins og Birkir Bjarnason og Aron Einar að spila allan leikinn meðan betri leikmennirnir voru teknir útaf eins og Rúrik Gíslason og Emil Hallfreðsson. 

Þjálfarar landsliðsins féllu enn og aftur á prófinu og er mesta furða hvað liðið getur þrátt fyrir þá. 

Kolbeinn tryggði jafntefli

Kári en ekki Ragnar!!

Þetta hefði maður svo sem mátt vita eftir æfingarleikina tvo fyrr á árinu. Þar léku til skiptis í miðverðinum Ragnar og Sölvi Geir við hliðina á Kára, þ.e. með Kára sem fyrsta kost!

Athyglisvert þar sem Kári var í vetur og vor að leika í ensku c-deildinni en Ragnar (og Sölvi) að leika reglulega í einni sterkustu deild í heimi,  þeirri rússnesku.

Þetta er auðvitað ekki eina dellan í valinu á landsliðinu. Birkir Bjarna er enn og aftur í liðinu þrátt fyrir að vera ekki í neinni leikæfingu.

Þá hefur nafni hans Birkir Már yfirleitt verið á bekknum með Brann þar sem af er norsku leiktíðarinnar á meðan Hallgrímur Jónasson hefur t.d. leiki alla leiki með sínu liði í dönsku deildinni og mikið spilað í bakvarðarstöðunni. Samt er Birkir Már tekinn fram fyrir Hallgrím, já og Theódór Elmar sem lék í þessari stöðu í síðasta leik og var þá besti maður íslenska liðsins!!!

Þá er Aron Einar  í byrjunarliðinu þrátt fyrir að hafa setið á bekknum hjá Solskjær nær alla leiki síðan Norðmaðurinn tók við Cardiff, á meðan Helgi Valur leikur alla leiki með portúgalska úrvalsdeildarliðinu. Theódór Elmar lék einnig alla leiki með sínu liði á miðjunni í dönsku úrvalsdeildinni og fékk góða dóma.

Ef ég þekki landsliðsþjálfarana rétt þá fá einmitt þessir leikmenn mesta leiktímann, a.m.k. Birkir Bjarna, Kári og Aron Einar. 

Ég spái því þriðja tapinu á árinu í jafnmörgum leikjum. Vonandi verður það ekki mjög stórt, a.m.k. ekki eins stórt og tap 19 ára landsliðsins gegn Serbum fyrr í dag (6-0).

Mér sýnist landsliðsþjálfararnir gefa skít í hvað stuðningsmenn hér heima hugsi um valið á liðinu. Svo er verið að tala um mikilvægi þess að landsliðið njóti stuðnings fótboltaáhugamanna! 

Viðar Örn byrjar í sínum fyrsta leik

Ótrúlegt?

Hvað með bílastæði fyrir þá sem ætla í Borgarbókasafnið (og svo sem Listasafn Reykjavíkur einnig)?

Nógu erfitt er nú að fá stæði þarna núna, svæðið er nær alltaf fullt, svo varla batnar það við að öll þessi stæði séu lögð niður.

En hvernig læt ég. Auðvitað eiga allir að vera á hjólum, líka þeir hreyfihömluðu, gömlu og fötluðu! 

Lóð í miðborginni boðin til sölu

Sjúklegur töffari!

Elmar þessi er sagður sjúklegur töffari sem hæddist að öllum "ferlum" og öðru eftirliti í bankanum.

En Birkir er auðvitað aðal bófinn og verður vonandi dæmdur í þungan dóm í þessu máli.

 

Vissi ekki af tveggja milljarða tapi

Hringl og ekki hringl!

Það er alltaf jafn forvitnilegt að sjá valið á landsliðinu hjá þeim félögum Heimi og Lars. Sumir eru allaf í landsliðinu þó þeir spili ekkert með félagsliðum sínum - og er Birkir Bjarnason þar gott dæmi! Þá skiptir reynslan meira máli en leikæfingin!

Svo þegar komið er að þeim reynsluminni þá er hringlað með þá í næstum hverju vali. Nú sjáum við skyndilega menn eins og Halldór Orra, Kristján Gauta og Hörð B. Magnússon í landsliðshópnum sem aldrei hafa verið þar áður - og Jón Daða sem á einn leik að baki ef ég man rétt. Eini nýliðinn sem á þarna tilverurétt að mínu mati er Viðar Örn Kjartansson sem hefur slegið í gegn með Vålerenga nú í vor. Jón Daði er reyndar spennandi nafn einnig þegar svona mikil forföll eru í framlínunni.

Valið á þeim fyrrnefndu er þeim mun merkilegra fyrir þær sakir að þeir hafa ekki verið að spila mikið með félagsliðum sínu. Halldór Orri er nýkominn í byrjunarliðið hjá Falkenberg og Jón Daði er sá Íslendinganna í Viking sem minnst hefur spilað með liðinu. Auk þess voru landsliðsþjálfaranir búnir að lýsa því yfir að þeir veldu ekki menn sem spila hér heima (nema markmennina) en hafa ekki staðið við það hingað til.

Á meðan eru menn sjóaðir af reynslu í atvinnumennsku, og sem leika alla leiki með liðum sínum, ekki valdir. Má þar nefna félagana í Viking, þá Indriða Sig. og Steinþór Þorsteins (Björn Ingi Sverrisson er sá þriðji sem hefur verið valinn í landsliðið undanfarið en fær nú ekki sjensinn). Hjörtur Logi spilar reglulega með liði sínu Sogndal en er samt úti í kuldanum. Einnig má nefna Guðmund Þórarinsson sem er lykilmaður hjá Sarpsborg. Svo eru þarna eldri kempur eins og Pálmi Rafn sem virðist algjörlega gleymdur af landsliðseinvöldunum, þó hann sé búinn að vera fastamaður í liði sínu í mörg ár. 

Í Svíþjóð eru þeir félagar Kristinn Steindórs og Guðjón Baldvins að leika reglulega og standa sig vel en eru ekki valdir (Guðjón fék þó brot úr landsleik fyrir skömmu). Þá er Kristinn Jónsson kominn  í sænsku úrvalsdeildina og spilar þar alla leiki en virðist hafa dottið út úr landsliðinu við það eitt að fara í atvinnumennsku! Auk þess er Arnór Smára enn að spila fyrir Helsingborg og er þar fastamaður í byrjunarliðinu. M.a.s. Guðmann Þórisson er nafn sem vert er að leggja á minnið en hann er að spilla reglulega í miðverðinum með liði sínu Mjällby.

Eitt spennandi nafn í sænsku 1. deildinni má nefna í viðbót en það er Jón Guðni Fjóluson en hann er undir smásjá fjölda liða fyrir frammistöðu sína í vor. 

Það væri forvitnilegt að sjá leik milli þessa landsliðshóps sem nú er valinn og þeirra atvinnumanna sem fá ekki sjensinn núna. Ég er nokkuð viss um að síðarnefndi hópurinn myndi vinna þann leik. 

Kunnugleg nöfn í hópnum

Nýjar sprengingar flugu í gegn!

Þá geta íbúarnir í nágrenni Sundhallarinnar farið að láta sér hlakka til vetrarins og næsta árs. Sprengingar og tillbehör næstu misserin!

Það er auðvitað orðið langt síðan það hristist allt og skalf þegar sprengt var fyrir bílastæðishúsi á gamla Stjörnubíósreitnum (húsi sem er ekkert notað) svo íbúar geta tekið gleði sína á ný og farið að telja nýju sprungurnar sem myndast á húsum þeirra.

Reyndar hafa menn haft ýmislegt að gleðjast yfir í millitíðinni. Fyrst sprengingarnar við Höfðatún sem bárust alla þessa leið - og lengra - og svo sprengingar og skjálftar núna þessi dægrin vegna framkvæmda við Háteigsveg/Þverholt.

Já, það er gott að Dagur borgarstjóraefni gleðst fyrir okkar hönd. Eða er það fyrir hönd verktakanna sem hann er svona glaður?

Sundhöllin flaug í gegn