Kári en ekki Ragnar!!

Þetta hefði maður svo sem mátt vita eftir æfingarleikina tvo fyrr á árinu. Þar léku til skiptis í miðverðinum Ragnar og Sölvi Geir við hliðina á Kára, þ.e. með Kára sem fyrsta kost!

Athyglisvert þar sem Kári var í vetur og vor að leika í ensku c-deildinni en Ragnar (og Sölvi) að leika reglulega í einni sterkustu deild í heimi,  þeirri rússnesku.

Þetta er auðvitað ekki eina dellan í valinu á landsliðinu. Birkir Bjarna er enn og aftur í liðinu þrátt fyrir að vera ekki í neinni leikæfingu.

Þá hefur nafni hans Birkir Már yfirleitt verið á bekknum með Brann þar sem af er norsku leiktíðarinnar á meðan Hallgrímur Jónasson hefur t.d. leiki alla leiki með sínu liði í dönsku deildinni og mikið spilað í bakvarðarstöðunni. Samt er Birkir Már tekinn fram fyrir Hallgrím, já og Theódór Elmar sem lék í þessari stöðu í síðasta leik og var þá besti maður íslenska liðsins!!!

Þá er Aron Einar  í byrjunarliðinu þrátt fyrir að hafa setið á bekknum hjá Solskjær nær alla leiki síðan Norðmaðurinn tók við Cardiff, á meðan Helgi Valur leikur alla leiki með portúgalska úrvalsdeildarliðinu. Theódór Elmar lék einnig alla leiki með sínu liði á miðjunni í dönsku úrvalsdeildinni og fékk góða dóma.

Ef ég þekki landsliðsþjálfarana rétt þá fá einmitt þessir leikmenn mesta leiktímann, a.m.k. Birkir Bjarna, Kári og Aron Einar. 

Ég spái því þriðja tapinu á árinu í jafnmörgum leikjum. Vonandi verður það ekki mjög stórt, a.m.k. ekki eins stórt og tap 19 ára landsliðsins gegn Serbum fyrr í dag (6-0).

Mér sýnist landsliðsþjálfararnir gefa skít í hvað stuðningsmenn hér heima hugsi um valið á liðinu. Svo er verið að tala um mikilvægi þess að landsliðið njóti stuðnings fótboltaáhugamanna! 

Viðar Örn byrjar í sínum fyrsta leik

Athugasemdir

[Torfi Kristján Stefánsson, 30.5.2014 kl. 21:04]

Þetta stóðst ekki alveg hjá mér. Kári var tekinn útaf í hálfleik en hitt stóðst að mestu. Tveir af lélegustu leikmönnum íslenska liðsins fengu að leika allan leikinn eins og venjulega.

Einnig var nokkuð skrítið að sjá Birki Má spila allan leikinn.

Annars var markið flott og gott að sjá að Ari Freyr er farinn að fá að taka aukaspyrnurnar (þökk sé því að Gylfi var ekki með).