Útþennslustefna USA og vestrænna ríkja

Bandaríkjamenn og vestrænir vinir þeirra halda áfram útþennslustefnu sinni sem hófst aftur af miklu krafti eftir árásirnar á tvíburaturnana í New York árið 2001. Síðan þá hefur bandaríski herinn ráðist inn í Írak og Afganistan og komið á algjöru stjórnleysi og ofbeldisöldu í þessum löndum, auk loftárásanna á Libíu og stjórnleysisins í kjölfar falls stjórnarinnar þar.

Áður hafði tekist að  koma rússneska björninum á hné og ná undir sitt áhrifasvæði löndum sem löngum tilheyrðu Rússum, Eystrasaltslöndunum, og öðrum sem lengi hafa verið nátengd Rússum, Póllandi t.d.

Og nú á að þrengja hringinn kringum Rússland enn frekar með því að senda herlið til Póllands - og síðar eflaust til baltísku landanna. Úkraína er að falla í hendur ESB, vina Bandaríkjamanna, og er þá vestræna yfirráðasvæðið nær alls staðar komið að landamærum Rússlands.

Á meðan berast fréttir af vaxandi uppgangi nýnasista í Úkraínu. Þeir njóta góðs af því að hafa borið hitann og þungann af uppreisninni í Kænugarði og eru núna að færa út kvíarnar. Í nótt réðust þeir á búðir stuðningsmanna Rússa í Austur-Úkraínu og féllu amk 5 í bardaganum.

http://www.dn.se/nyheter/varlden/uppgifter-till-dn-hogra-sektorn-bakom-attack-i-slovjansk/ 

Áður höfðu borst fréttir um að úkraínsk stjórnvöld ætluðu að skylda gyðinga til að bera skilríki sem sýni að þeir séu gyðingar. Það þykir minna óþægilega á nasistatímann í Þýskalandi.

Já, hjal Vesturveldanna um lýðræði og mannréttindi verður hjóm eitt þegar slíkt rekst á við hagsmuni þeirra - og útþennslustefnu. 

Bandarískt herlið fer til Póllands

Í raun mótmæli gegn ESB

Þessi mótmæli eru í raun mótmæli gegn niðurskurðarstefnu ESB-landanna en eina lausnin sem þau hafa í efnahagstjórnun sinni er að skera niður og takmarka réttindi launafólks.

Fyrir um viku síðan voru fjölmenn mótmæli í Brussel gegn þessari stefnu, sem sameinuð samtök verkalýðsfélaga innan ESB-landanna stóðu fyrir og mótmæltu hinu sama.

Hér á landi er hins vegar allt annað upp á teningnum. Hér vilja menn inn í þessa niðurskurðarstefnu og standa "vinstri" menn einkum fyrir mótmælum gegn áformum hægri stjórnarinnar hér á landi um að hætta aðildarumsókn í ESB.

Í þessum mótmælum er ASÍ einhver háværasti hópurinn sem krefst áframhald viðræðna og styður að auki inngöngu í sambandið.

Skrítið! 

80 særðust í mótmælum í Róm

Tröllaskagi?

Ekki vissi ég að Tröllaskagi næði svona langt inn í land að jafnvel Öxnadalsheiðin og Norðurárdalur í Skagafirði tilheyrðu honum!

Skagi er yfirleitt eitthvað sem liggur milli fjarða og endar við fjarðarbotn, þ.e. þangað sem sjór nær inn. Nokkuð langt er í norður til sjávar frá Norðurárdalnum eins og flestir vita!

Eðlilegast er að telja Tröllaskaga byrja við Hörgárdalinn að austan og Hjaltadalinn að vestan, og er einkum síðarnefndi dalurinn nokkuð langt frá Öxnadalsheiðinni!

Ég hélt vegna yfirskriftarinnar að í fréttinni væri verið að fjalla um göng milli Siglufjarðar og Fljóta eins og talað hefur verið um. 

Vill tvenn göng á Tröllaskaga

"Blóðregn"

Danir kalla þetta fyrirbæri "blodregn" en þá berst rauðleitur sandur frá Sahara upp í andrúmsloftið og alla leið norður til Danmerkur - og til Bretlands.

Ástæðan er sandstormur í norðausturhluta Marokkó frá því seinnipartinn í gær sem ekki var lengi að berast til Bretlandseyja.

 

Hætti við morgunhlaupið vegna mengunar

Amnesty með pólitískan áróður

Það er ekki í fyrsta sinn sem Amnesty gerir sig seka um hlutdrægni í frásögum af mannréttindabrotum. Samtökin eru með áberandi vestræna slagsíðu, líklega til að ná í meðlimi og fjárstyrk frá hinum ríka vestræna heimi.

Eins og flestir vita þá var skotið á lögreglumennina í Kænugarði og fjöldi þeirra drepinn, þannig að þessi mynd af góðu mótmælendunum (og vondu lögginni) er grunnfölsk. 

Það merkilega er að einn hægrisinnaðasti fréttamaðurinn á RÚV, Sveinn Guðmarsson (sem minnist Margrétar Thatcher nú fyrir skömmu sem bjargvætt Bretlands), er farinn að tala um þjóðernissinnana í Úkraínu og þátt þeirra í valdaráninu þar á dögunum:

http://ruv.is/frett/thjodernissinnar-eflast-i-ukrainu

En kannski er þessi breytti fréttaflutningur hjá RÚV ofur einfaldur. Til að vega á móti jákvæðum áhrifum ferðar utanríkisráðherrans til Úkraínu á íslenska kjósendur.

Já, kratarnir og ESB-sinnarnir eru til alls vísir! 

Mannréttindi virt að vettugi

Tamil Tígrar?

Þessi frétt er stórfurðuleg svo ekki sé meira sagt. Tamil tígrar voru jú hermenn Tamíla en hér er verið að tala um að 40.000 almennir borgarar hafi verið myrtir á lokadögum stríðsins.

Það er að stjórnarhermenn hafi gengið hús úr húsi í borgum og þorpum Tamíla og drepið íbúana með köldu blóði.

Nei, þetta er ekki aðal inntakið í frétt Moggans heldur, að því er virðist, jákvæð umfjöllun um hrokafull viðbrögð stjórnvalda í Sri Lanka.

Annars er alveg ótrúlegt hve lítið hefur verið fjallað um þetta í fjölmiðlum, bæði þegar fjöldamorðin voru framin og svo síðar.

Sýnir það enn og aftur að ekki er sama fyrir vestrænu pressuna, Moggann þar með talinn, hverjir fremja ódæðisverkin né á hverjum þau eru framin. 

 

Hefja rannsókn á stríðsglæpum á Sri Lanka

Hvað með rigninguna?

Líklega er þetta frétt frá Vegagerðinni en samt sakna ég upplýsinga um úrkomu síðasta sólarhringinn.

Mér sýnist að hér á heiðunum í kringum höfuðborgarsvæðið hafi úrkoman verið yfir 40 mm. Það hlýtur að nálgast met en samt heyrist ekki bofs um það frá Veðurstofunni. Þar er sjaldan fjallað um það sem var heldur einungis spáð um hvað verður (og oftast vitlaust).

Mér finnst þetta dapurt og er ekki sammála stórum meirihluta þjóðarinnar sem telur Veðurstofuna standa sig vel. 

Fer ekki Trausti að byrja að blogga aftur? 

Kólnar nokkuð skarpt í nótt

Upphlaup Guðmundar

Mér sýnist nú framkoma Guðmundar vera litlu skárri, a.m.k. af fjölmiðlafundinum eftir á að dæma. 

Hann grípur frammí fyrir Duishebajev og endurtekur í sífellu að hann sé að ljúga!

Það er spurning á hvaða þroskastigi Guðmundur er á - sandkassastiginu ennþá?! 

Ég hef aldrei upplifað annað eins á ævinni (myndskeið)

Ekki er þetta Putín!

Umhugsunarverður þetta ósamræmi í fréttaflutningi frá átakasvæðum og mannréttindabrotum í heiminum.

Meðan gert er sem allra mest úr vonsku Rússa og fyrrverandi stjórnvalda í Úkraínu, þá er tekið mun linar og yfirleitt ekkert á svipuðu eða mun verra framferði í löndum eins og Tyrklandi og Egyptalandi. Ástæðan er auðvitað sú að þetta eru "vinir" okkar, en Rússar og Janukovits "óvinir" okkar Vesturlandabúa.

Þetta kemur glögglega fram í þessari frétt hér á mbl.is en í erlendum miðlum er hún mun lengri.

Þar kemur m.a fram að á sama tíma og þessir dauðdómar voru felldir var egypskur lögreglumaður dæmdur í 10 ára fangelsi fyrir þátt sinn í að drepa 37 stuðningsmenn fyrrverandi forseta, sem voru sagðir skotnir á flótta!

Þrír aðrir lögreglumenn voru einnig dæmdir fyrir þessi morð en fengu miklu mildari dóm eða eins árs skilorðsbundið fangelsi.

Vestræn ríki hafa á engan hátt fordæmt þessa dóma og reyndar ekki heldur valdarán herforingjanna í fyrra.

 

 

529 stuðningsmenn fá dauðadóm

Mannréttindafrömuðurinn og friðarsinninn Erdogan!

Tyrkneski forsætisráðherrann og ríkisstjórn hans gera það ekki endasleppt þessa daganna. Á fimmtudaginn lét hinn mikli leiðtogi loka fyrir aðgang tyrkneskra borgara að Twitter og í dag lét hann loka fyrir aðgangi að Google!

Þetta til að koma í veg fyrir umfjöllum um hneykslin sem ríkisstjórnin, og einkum forsætisráðherrann (og sonur hans), er flækt í.

Fjöldi dómara, lögregluþjóna og  fjölmiðlafólks hefur verið fangelsaður fyrir það eitt að fjalla um þessi hneyksli og fara fram á rannsókn á þeim.

Þá má auðvitað ekki gleyma morðunum á mótmælendum í fyrra - sem voru miklu alvarlegri en atburðirnir í Kiev nú nýlega sem allt varð vitlaust útaf hér á Vesturlöndum - og utanríkisráðherrann okkar er að reyna að slá sér upp með, með því að heimsækja staðinn og lýsa yfir stuðningi við úkraínsku uppreisnina. 

Hins vegar heyrist varla bofs í vestrænu pressunni eða stjórnvöldum vegna mannréttindabrota og harðstjórnar Erdogan. Og skiljanlega ekki. Vestrænir aðilar hafa nefnilega engan áhuga á slíku nema til að nota sem réttlætingu fyrir afskipti af innanríkismálum þeirra landa sem þeir telja ekki vera sér nógu hliðholl.

Tyrkir er jú mikilvægir stuðningsmenn við að koma Sýrlandsstjórn frá - og því má ekki styggja tyrknesk stjórnvöld.

Jamm, svona gerast nú kaupin á þeirri Eyrinni. 

Orrustuvél skotin niður