Borg fyrir verktaka og braskara?

Já, maður vildi að satt væri aða þetta væri borg fyrir fólkið sem byggir það. Reyndin er önnur undir stjórn Samfylkingarinnar og Besta flokksins.

Vinsælir skemmtistaðir eins og og NASA eru lokaðir til að verða að kröfu braskara um að nýta lóðina á annan hátt. Hljómalindareiturinn var lokaður nú um jólin vegna verktaka og braskara sem eru að stórauka byggingarmagn á þessum viðkvæma stað í miðborginni og hækka öll húsin. Varla er skugginn og minna rými sem það veldur dæmi um borg fyrir fólk.

Þá hefur fólk borgarinnar mótmælt hástöfum háum byggingum á hafnarsvæðinu úti við Granda sem skyggir mjög á hið gamla hverfi við Nýlendugötu og þar um kring. Sama má segja um byggingar í Vesturbænum nálægt flugvellinum.

Þétting byggðar, sem er markmið þessa meirihluta, er nefnilega bein og óbein aðför að gömlum húsum í miðbænum. Rifin eru lítil hús frá byrjun síðustu aldar og reist fjölbýlishús (eða jafnvel hótel) í staðinn. Sjarminn við lágreistan miðbæ er að breytast í hrollvekju hárra húsa.

Segja má að þetta slagorð, "þétting byggðar", sé nýjasta útfærslan að aðförinni að varðveislu gamalla húsa. Já, "modernisminn" tekur á sig ýmsar myndir og nú undir forystu þeirra sem síst skyldi.

Fyrir verktaka og braskara - eða fyrir fólk? 

Hjálmar stefnir á 2.-3. sætið

Þjálfarinn að klikka gjörsamlega!

Nú fer maður að skilja af hverju Aron Kristjánsson átti enga sældardaga þegar hann reyndi fyrir sér í þjálfun í Þýskalandi (rekinn á fyrstu leiktíðinni). Stjórnun hans á íslenska liðinu er til stórskammar. 10 mörk undir gegn Þjóðverjum um miðjan sienni hálfleikinn og hann samt heldur áfram með sömu liðsuppstillinguna: Ólaf Bjarka Ragnarsson og Snorra Stein fyrir utan!!! Snilld!!!!!

Þá er Ólafur Bjarki arfaslakur varnarmaður, flest mörk Þjóðverjanna koma hans megin, en samt er hann látinn spila vörnina nær allan seinni hálfleikinn.

Nei, við getum þegar afskrifað möguleika íslenska liðsins á EM - og reiknað með að þeir komist ekki áfram úr riðlakeppninni.

Svo verður vonandi skipt um þjálfara strax eftir mótið. 

Úrslitaleikurinn við Þjóðverja í dag

Á hvaða leik var blaðamaðurinn að horfa?

Ólafur Bjarki lék alls ekki nær allan leikinn í skyttuhlutverkinu, eins og haldið er fram í þessari frétt, heldur lék Ólafur Guðmundsson þar allt eins lengi - og skoraði jú jafnmikið eða fjögur mörk. Þá er Ólafur G. miklu betri varnarmaður en Ólafur B., svo vonandi fær sá fyrrnefndi að spila meira en nafni hans á EM. Vörnin kom einnig vel út í þessum leik með Ólaf G. sem einn af lykilmönnum hennar.

Sem betur fer er Aron landsliðsþjálfari farinn að nota fleiri leikmenn en áður og kom það ágætlega út. Breiddin er vissulega að aukast eins og Adólf Ingi benti á í lýsingu sinni og er það vel.

Að vinna Austurríki stórt án Arons Pálmarssonar er gott dæmi um þessa breidd. 

Átta marka sigur á Austurríki

Alls ekki!

Snorri Steinn hefur ekkert spilað allan hálfleikinn. Seinni hluta hans var Gunnar Steinn Jónsson í hlutverki leikstjórnanda og hefur leikið ágætlega. Þá hefur Ólafur Guðmundsson verið ógnandi í skyttunni vinstra megin auk þess að eiga góðan leiki í vörninni. 

Bjarki Már Elísson er hins vegar að klikka illa í hægra horninu og fær varla að fara með á EM. 

Tekið skal fram að verið er að sýna leikinn beint á SkjáSport (rás 28). 

Jafnt í hálfleik hjá Íslandi

Ekki góður leikur

Var að sjá endursýningu á SkjáSport (rás 28). Þetta var ekki góður leikur hjá íslenska liðinu þrátt fyrir sigur. Sérstaklega var seinni hálfleikurinn dapur þrátt fyrir að þjálfarinn hafi teflt fram "besta" liðinu allan hálfleikinn.

Það var nefnilega stóra vandamálið því Aron var lélegur í hálfleiknum alveg þangað til í blálokin og Ólafur Bjarki Ragnarsson, sem lék allan seinni hálfleikinn í leikstjórnendastöðunni var ekki sannfærandi.

Það sem þó var aðal áhyggjuefnið var stjórnum Aron Kristjánssonar á liðinu í seinni hálfleik.

Hann gerði engar breytingar á liðinu fyrir utan en hefði vel mátt hvíla nafna sinn og Ólaf Bjarka og prófa t.d. Ólaf Guðmundsson meira.  Vonandi gerir hann það í næsta leik og að þá fáum við að sjá Gunnar Stein einnig í leikstjórnendahlutverkinu.

Hætt er annars við að hugmyndalaus og áhættufælin stjórnun þjálfarans á liðinu eigi eftir að koma okkur í koll á EM rétt eins og gerðist á síðasta stórmóti. Það þarf nefnilega að hvíla lykilmenn öðru hverju á stórmótum og því nauðsynlegt að leyfa fleirum að spreyta sig, ekki síst í æfingaleikjunum

Svo mega íþróttafréttamennirnir alveg segja frá því að verið sé að sýna leikina beint á Skjásport. 

 

Aron tryggði Íslandi sigur á Rússum

Dieudonné enginn gyðingahatari

Þetta er nú allt fáránlegt og sýnir nú bara tvískinnungsháttinn í Frökkum og hvernig þeir reyna að þóknast Ísrael.

Dieudonné er yfirlýstur vinstrimaður og hefur harðlega neitað ásökunum um gyðingahatur. Hann er hins vegar harður andstæðingur zionismans, þ.e. rasískri huygmyndafræði gyðinga sem telja sig eiga Palestínu og allt landsvæðið þar í kring - og reka harða apartheid-stefnu gagnvart frumbyggjum landsins. 

Auk þess er hann harður andstæðingur ríkjandi valdhafa í Frakklandi hvort sem þeir eru kratar eða hægri menn og notar þessa kveðju einnig til að láta í ljósi vanþóknun á þeirra framferði.

Og af nógu er að taka því Frakkar er óðum að seilast aftur til áhrifa í Miðausturlönum og í Norður- og Mið-Afríku með grófri íhlutun í innanríkismál þessara ríkja, m.a. með beinni hernaðaríhlutun til að styðja spillta valdhafa sem eru hliðhollir Frökkum.

Gyðingahatur grasserar í Frakklandi

Skrítið að frétta af þessu svona!

Að venju eru íslensku landsliðsþjálfararnir ekkert að flýta sér að tilkynna landsliðshópinn en keppt verður við Svía eftir hálfan mánuð (Svíar auðvitað löngu búnir að velja sinn hóp). Menn verða að leita frétta erlendis til að komast að því hverjir séu í hópnum!

Þá er merkilegt til þess að vita að íþróttafréttamönnum finnst þetta ekkert athugavert heldur gleðjist eins og lítil börn yfir því að komast að fréttum sem þessum gegnum krókaleiðir.

Ætli KSÍ hafi ekki efni á fjölmiðlafulltrúa eða manni sem gæti sett upplýsingar um liðið inn á heimasíðuna þeirra? Varla þarf að fela það hverjir séu valdir í liðið þar sem um vináttulandsleik er að ræða og langt í næstu alvörukeppni.

Guðmundur valinn í landsliðið

Síðan árið 2000!

Það fer sem sé eftir því hvernig talið er hvort þetta sé kaldasta ár aldarinnar hér á suðvesturhorninu. Það er, hvort við byrjum öldina á núlli eða á einum (2000 eða 2001)!

Trausti Jónsson hefur á veðurbloggi sínu gert samanburð á árinu miðað við síðasta 10 ára tímabil (2003-2012). Þar kemur fram að árið í ár er 0,61 gráðu kaldara en meðaltal síðustu tíu ára.

Það er einnig kaldara en meðaltal áranna 1931-1960 þó svo að munurinn sé ekki marktækur. 

Kannski er það rétt sem Páll Bergþórsson hefur sagt, að við séum á leið inn í kuldaskeið?

Kaldasta ár aldarinnar á Suðvesturlandi

Veðrið hlýtt þó það hafi verið kalt!

Þetta er nú nokkuð skondin frétt frá Veðurstofunni. Árið var hlýtt þó það hafi verið kalt!

Þversögnin í þessu er auðvitað sú að Veðurstofan - og veðurfræðingar almennt - miða alltaf við kuldatímabilið 1961-1990 þó svo að það sé löngu liðið.

Svo þegar loks er farið að bera árið saman við hlýskeiðið eftir 1995 (eða eftir 1998) þá er það kalt eða í flokki kaldari ára, a.m.k. það sem af er öldinni.

Svo kemur rúsínan í pylsuendanum (sem helst má ekki viðurkenna). Suðvestanlands var árið í ár það kaldasta frá árinu 2000!!

Þá er framsetningin nokkuð skrítin. Hið óákveðna orð "var talið" kemur t.d. fyrir tvisvar. Hver telur það? Er það ekki Veðurstofan sjálf og því enginn sem "telur" svo, heldur er það staðreynd? 

 

Tíð almennt lakari en síðustu ár

Kalrembukúltúr?

Merkilegt þetta val hjá íþróttafréttamönnum.

Þarna er gengið framhjá heimsmeistara í frjálsum sem og fyrirliða íslenska kvennalandsliðsins í fótbolta sem komst í lokakeppni EM á árinu (þangað hefur karlalandsliðið aldrei komist). Skyldi ástæðan vera sú að hér er um konur að ræða?

Þá er valið á landsliði ársins gagnrýnisvert á sömu forsendum.

Og ekki má gleyma valinu á þjálfara ársins. Þar fær þjálfari í útlöndum titilinn en annar þjálfari í sömu íþróttagrein og einnig í útlöndum, Selfyssingurinn Þórir Hergeirsson, er ekki einu sinni tilnefndur.  Þó hefur lið hans, norska kvennalandsliðið í handbolta unnið alla titla undir hans stjórn sem hægt er að vinna . Skyldi ástæðan vera sú að hann þjálfar ekki karlalið?

Þetta leiðir hugann að ummælum karlrembunnar Zlatan Ibrahimovic þegar hann tjáði sig um kvartanir sænsku landsliðskvennanna í fótbolta yfir því að karlkyns fótboltamaður fái bíl að gjöf frá sænska knattspyrnusambandinu fyrir að hafa sett landsleikjamet en kvenkyns landsliðsmaður sem einnig setti landsleikjamet fékk ekkert. Zlatan sagðist geta áritað reiðhjól fyrir hana....

Þetta finnst forráðamenn sænska fótboltans ekkert athugavert og ekki heldur að velja mann í landsliðið sem hefur verið dæmdur fyrir að hafa mök við 14 ára stúlku.

Eigum við hér heima við sama vandamál að stríða? 

Gylfi Þór Sigurðsson íþróttamaður ársins 2013