Alltaf sama hræsnin í Kananum!

Þessi látalæti í Ameríkananum eru nú meiri hræsnin! Mandela var yfirlýstur hryðjuverkamaður í þeirra augum allt til árins 2008 þegar hann var loks tekinn af listanum yfir slíka. Samt koma þrír fyrrverandi forsetar USA til Suður-Afríku til að heiðra minningu hans, þeir sem tóku hann ekki af listanum,  og sá fjórði hélt "fallega" ræðu um lýðræði og frelsi.

Á meðan hafa rithöfundar í Evrópu safnað undirskrifum innan eigin raða þar sem njósnir Bandaríkjamanna á almenningi um allan heim er mótmælt og einmitt sagðar vera mjög alvarleg aðför að lýðræði og frelsi í heiminum!:

http://politiken.dk/kultur/ECE2155588/erklaeringen-mod-overvaagning-til-forsvar-for-demokratiet-i-en-digital-aera/ 

Yfirlýsingin og undirskriftirnar eru einmitt hugsaðar sem vörn fyrir lýðræðið og frelsi almennings til að hafa sitt einkalíf í friði - eitthvað sem Kaninn lofsyngur í orði en fótumtreður og svíkur í reynd.

Fólk undir eftirliti er ekki lengur frjálst - og samfélag sem er undir eftirliti býr ekki lengur við lýðræði.

Obama heilsaði Raul Castro

Fimm Íslendingar í liðinu!

Stafangursliðið Viking er eitt af frægustu og ríkustu fótboltaliðum í Noregi, með mikla sögu. Ríkidæmið felst aðallega í því að Stavanger (eins og bærinn heitir á norsku) er olíubær þeirra Norðmanna. Það sést á launum leikmanna en fyrirliðinn, Indriði Sigurðsson, er með yfir 2 milljónir norskra króna í laun á ári (25 milljónir íslenskar) og þar með einn tekjuhæsti leikmaðurinn í Noregi.

Hér er umfjöllun í staðarblaðinu um liðið og um íslensku leikmennina. Þar er Björn Daníel Sverrisson kallaður hinn íslenski Özil og Steinþór Freyr Þorsteinsson fær einnig mjög góð ummæli:

http://www.aftenbladet.no/100Sport/meninger/blogg/Klar-for-ny-sesong-407518_1.snd

Sverrir Ingi samdi til þriggja ára við Viking

Ekki bara á færeysku!

Við Íslendingar notum oft orð sem hafa allt aðra merkingu en þau hafa á hinum Norðurlandamálunum, ekki aðeins á færeysku. Sæng er jú rúm á dönsku (säng á sænsku o.s.frv.). Dyne (Dyna) er svo sæng á hinum tungumálunum - og þetta með kamarinn er auðvitað alþekkt (kammer eða kammar).

Eins og Færeyingarnir segja. Það er eins og við (Íslendingar) höfum einhvern tímann hér forðum ruglast á þessum hugtökum.

Svo er eitt gott skylti á alþjóðaflugvellinum í Færeyjum (Klakksvík?) en það stendur við dyr sem eru "bara" ætlaðar starfsfólki flugvallarins: "Bert starfsfólk".

Afgangurinn reyndist vera sæði

Eiður að koma til?

Eiður Smári skoraði ekki aðeins annað mark Brugge heldur átti einnig allan heiðurinn að þriðja markinu eins og sjá má af myndbandinu. Hann átti skotið sem markmaður Mechelen varði út í teig svo eftirleikurinn varð auðveldur hjá liðsfélaga Eiðs.

Það veitir svo sannarlega ekki af því fyrir íslenska landsliðið ef Eiður kemst á skrið á ný, ekki síst í ljósi þess að  lykilmenn landsliðsins fá lítið að spila með félagsliðum sínum þessa stundina.

Eiður er nefnlega ekkert hættur með landsliðinu - ekki ef hann er að spila reglulega og - ef kallið kemur. 

Fyrsta mark Eiðs á tímabilinu - myndband

Þriðja leikinn í röð!

Það er heppni að íslenska landsliðið er ekki að spila þessa daganna, eða hvað? Máttarstólpar liðsins sitja flestir á bekknum hjá félagsliðum sínum eða gengur illa ef þeir spila. Gylfi er á bekknum þriðja leikinn í röð og kemur varla inná frekar en í hinum leikjunum ef miðað er við þá sem eru á bekknum hjá honum núna.

Fyrirliði landsliðins var einnig á bekknum hjá Cardiff og vermdi hann allan leikinn. Er það í annað sinn af síðustu þremur leikjum sem það gerist.

Þá er Ajax búið að standa sig svo vel án Kolbeins að hann kemst ekki einu sinni í leikmannahópinn þó svo að hann hafi náð sér af meiðslunum sem hrjáðu hann.

Svo er kannski óþarfi að nefna Birki Bjarnason og Eið Smára en þeir sitja jú yfirleitt á bekknum hjá sínum liðum og fá lítið að spila.

En hvað með það. Leikæfingin skiptir litlu sem engu máli hjá landsliðsþjálfurunum og jafnvel betra í þeirra augum að landsliðsmennirnir komi óþreyttir í landsleiki.

Svo líklega er best að enn fleiri úr þeirra röðum fái að hvíla sig á bekkjunum næstu mánuðina! 

Gylfi á bekknum gegn Sunderland

Nú verður hann rekinn!

Tvö töp á heimavelli í röð hjá meisturunum!

Þessi úrslit hljóta að verða til þess að þjálfarinn verði rekinn!

Fyrsti sigur Newcastle á Old Trafford í 41 ár

Ekki endilega veðrinu að kenna

Þetta virðist nú orðum aukið. Líklega má rekja tvö dauðsfallanna beint til óveðursins, kannski aðeins eitt.

Hin virðast fyrst og fremst vera vegna sjúkdóma viðkomandi, þ.e. háaldraðar manneskjur sem dóu utandyra eftir að hafa rambað út í óveðrið og ekki komist lifandi inn aftur:

http://www.dn.se/nyheter/sverige/oversvamningar-och-dodsolyckor-i-svens-spar/

 

Sjö látnir í óveðrinu í Svíþjóð

Hafísvetur framundan?

Svo virðist sem mun meiri hafís sé við Ísland en hefur verið lengi. Þetta er samfara kólnandi veðurfari í ár en tímabilið frá mars og þar til nú hefur verið eitt það kaldasta nú í langan tíma. Það líkist í raun árinu 1965 sem var upphafsár 30 ára langs kólnunartímabils og forsagan að fyrsta hafísárinu við Íslandsstrendur á 7. áratugnum. Kannski eigum við vona á hafísvetri eða -vori eins og var árið 1966?:

http://www7320.nrlssc.navy.mil/hycomARC/navo/arcticictn_nowcast_anim30d.gif 

Og nú eru menn farnir á spá kólnandi veðri fram til 2020 vegna þess að Golfstraumurinn er að veikjast ...

Darraðardans við hafís á Halanum

Hlýnun eða kólnun?

Í ljósi kuldakastsins sem staðið hefur yfir síðustu tvo til þrjá daga er eðlilegt að spyrja sig hvort hnattræna hlýnunin frá 1998 sé virkilega af mannavöldum (vegna aukins koltvísýringsmagns í andrúmsloftinu vegna mengunar) eða einungis hluti af náttúrulegum breytingum í veðurfari.

Benda má á til stuðnings þess síðarnefnda að við lifum enn á ísaldartímabili, samkvæmt skilgreiningu náttúrufræðinnar. Tíminn sem við lifum núna er aðeins hluti af hlýskeiði innan þessarar ísaldar, hlýskeiði sem hefur staðið frá því um 11.700 f. Kr. og alls ekki hlýjasti hluti þess. 

Hér er skemmtilegt myndband sem gerir grín að  kenningunni um hnattræna hlýnun af mannavöldum og tilraunum þeirra upp á síðkastið til að betrumbæta kenninguna með því að setja málið í aðeins stærra samhengi (í ljósi þess að síðustu 15 ár hefur verið pása í hlýnuninni):

https://www.youtube.com/watch?v=Uif1NwcUgMU 

Tekið skal fram hvað þetta varðar að nú hefur verið lagðar fram niðurstöður í nýrri rannsókn sem gerir ráð fyrir því að það fari kólnandi á næstu sex árum eða svo, þ.e. fram til 2020.

Þetta af völdum Golfstraumsins sem mun flytja minni hita hingað norður eftir næstu árin:

http://news.bbc.co.uk/2/hi/7376301.stm 

 

Hlýnar í dag og á morgun

En ekki landsliðsþjálfarinn!

BT talar um Randers-profil, eða lykilmann í lélegri þýðingu, og segir að frammistaða hans á miðjunni hjá Randers í haust hafi vakið athygli utanlands.

Auk hinna þriggja hollensku klúbba hafi tvö ensk meistaradeildarlið sýnt Theodór Elmari áhuga, Brighton og Ipswich.

http://www.bt.dk/superligaen/hollandsk-trio-lurer-paa-randers-profil 

Einn er sá sem sýnir Theodór Elmari engan áhuga (talar um hann sem hluta af 30-40 manna hópi, en hefur þó aldrei nennt að fara yfir sundið og horfa á Elmar spila), er landsliðsþjálfari Lars Lagerbäck. Hann hafi ekki einu sinni haft fyrir því að hafa samband við leikmanninn.

Í Danmörku hafa þarlendir fjölmiðlar furðað sig á því að Elmar væri ekki valinn í íslenska landsliðið og bent á að landsliðsþjálfarinn hefði aldrei komið til Danmerkur til að horfa á Elmar leika. Ekki væri nema von að hann væri óánægður með það: ”Elmar Bjarnasons skuffelse over ikke at blive udtaget kunne have været blødet op, hvis Lars Lagerbäck eller andre fra trænerteamet havde været i Danmark for at se ham spille, og kontaktet ham for at forklare, hvor han står. Ingen af delene er sket.””

Þrjú hollensk með Elmar í sigtinu