"vegna meiðsla"?

Þetta er nú eins mikill farsi og hugsast getur. Manneskjan hefur verið að spila á fullu með Val og átti stóran þátt í bikarmeistarasigri liðsins nú um helgina. Þá hefur hún verið besti leikmaður Íslandsmótsins það sem af er. Hún er ekkert frekar meidd en aðrir þeir sem gáfu kost á sér.

Nei, það er einhver önnur ástæða fyrir því að Þorgerður gefur ekki kost á sér. Líklega má finna ástæðuna í því að hún var ekki valinn á síðasta Evrópumót.

Þá vekur athygli að aðstoðarlandsþjálfarinn er hættur. Gæti ástæðan verið sú sama hjá honum og sú að Þorgerður er ekki með, þ.e. sjálfur landsliðsþjálfarinn?

Þorgerður Anna gefur ekki kost á sér

Enn hringlað með liðið!

Landsliðsþjálfarinn er enn að hringla með uppstillinguna á kvennaliðinu. Eftir skelfilega útreið gegn Svíum (1-6) þar sem sterkustu leikmennina vantaði, var þokkalega sterku liði stillt upp gegn Kínverjum enda gekk þá miklu betur.

Nú hins vegar er horfið frá þeirri uppstillingu og hálfpartinn horfið aftur til vængbrotna liðsins gegn Svíum - og að sumu leyti enn lengra.

Sif Atladóttir er til dæmis núna sett út úr liðinu, en hún hefur þótt sjálfgefin í það hingað til. Þá er Fanndís Friðriks aftur sett á bekkinn, rétt eins og í leiknum gegn Svíum.

Rakel Hönnudóttir sem spilaði hægri bakvarðarstöðuna í síðasta leik er allt í einu orðin fremst - og svo mætti lengi áfram telja. 

Hættan við svo hringlandahátt er auðvitað sá að áhangendur liðsins missi trú á því. Þar er nokkuð í húfi því það hefði mátt búast við góðri mætingu stuðningsmanna liðsins á Evrópumótinu í Svíþjóð í sumar.

Núna hins vegar, eftir slæmt gengi á Algarve-mótinu, hugsa eflaust margir sig tvisvar um áður en þeir skipuleggja sumarfríið sitt.

Byrjunarliðið gegn Ungverjum

"sagði of marga framsóknarmenn á staðnum"!

Það er spurning hvort það sama eigi ekki við um framsóknarkommaflokk Bjarna Harðarsonar - og að það komment hafi verið frekar óheppileg byrjun á kosningabaráttunni.

 

Offramboð af framsóknarmönnum? 

Sigmundur Davíð kýldur á balli

Siena vann ...

... svo Pescara og Palermo sitja nú ein og yfirgefin á botninum.

Birkir ekki í náðinni hjá nýjum þjálfara

Hvaða lagareglur?

Þetta er nú frekar loðið. Hvaða lagareglur á maðurinn við?

Kannski á Ögmundur við það að kona þessi, og aðrir Kólumbíumenn, hafi þurft að skrifa undir pappíra og lofa að skipta sér ekki af stjórnmálum eða taka þátt í mótmælum hér á landi?

Það alvarlega við þetta er auðvitað að þar með var flóttafólkið í raun neytt til að afsala sér mikilvægum mannréttindum!

Og hverjir voru í stjórn haustið 2007 þegar þetta gerðist. Jú, auðvitað Sjálfstæðisflokkur og Samfylking! Og hver var utanríkisráðherra þá? Hver annar en Ingibjörg Sólrún Gísladóttur!

Líklega má þó telja að Björn Bjarnason, innanríkisráðherra þá. hafi staðið á bak við þessa kröfu og Samfylkingin lúffað fyrir íhaldinu að venju.

En ég trúi því trauðla á Ögmund að hann geri það einnig! 

 

Umsókn stóðst ekki lagareglur

Hálfgert varalið inná!

Menn hljóta að velta vöngum yfir því af hverju landsliðsþjálfarinn stillti upp hálfgerðu varaliði gegn sterku liði Svía. Besti leikmaðurinn Íslands undanfarið, Sara Björk Gunnarsdóttir, lék ekkert með í gærað því ég best veit, auk þess sem Hólmfríður Magnúsdóttir og Fanndís Friðriksdóttir byrjuðu báðar á bekknum og sátu þar lengi leiks.

Þetta slæma tap verður því alfarið að skrifast á landsliðsþjálfarann og tilraunastarfsemi hans með liðið. Nema að áðurnefndar konur haf verið eitthvað meiddar, en þá skortir upplýsingar um slíkt.

Merkilegt annars hvað litlar fréttir fara af liðinu, sem þó er mun hærra skrifað en karlalandsliðið. Ástæða fyrir knattspyrnukonur að kvarta yfir því?

Aðvörunarbjöllurnar hringdu í Albufeira

Hér á landi eru menn verðlaunaðir fyrir slíkt!

Hér hefur aldrei verið gert neitt í því að menn hafi hirt umtalsverða fjármuni út úr fyrirtækjum rétt fyrir gjaldþrot eins og raunin var með Straum-Burðarás (og fleiri fyrirtæki) fyrir Hrun. Samt voru menn að greiða sjálfum sér árlegan hagnað sem nam hátt í 100% af eign þeirra í félaginu, sem svo kom auðvitað í ljós að var alltof hátt metin.

Enginn hefur þurft að sæta ákæru vegna þessa ennþá, og verður eflaust aldrei, heldur geta stofnað ný fyrirtæki með nýja kennitölu án nokkurrar takmörkunar á slíku. Það er: Hér setja menn fjölda fyrirtækja í þrot og stofna ný án þess að nokkuð sé að gert!

Yndislegt samfélag þetta sem við búum í.  Alltaf verið af gefa skúrkunum nýjan sjens!

Bannað að stjórna í Bretlandi

Fyrir hverja er Reykjavíkurskákmótið?

Hér áður fyrr voru Íslendingarnir yfirleitt í baráttusætum í Reykjavíkurskákmótum og svo sem ekki langt síðan að Íslendingur vann mótið, Héðinn Steingrímsson.

Nú er búið að bola Héðni í burtu úr íslensku skáklífi, það getum við þakkað forystu Skáksambandsins og landsliðsþjálfaranum, og annar skákmaður sem hefði getað gert góða hluti á mótinu, Bragi Þorfinnsson, hunsar mótið vegna atviks sem gerðist á síðasta móti og verður einnig skrifað á skákforystuna.

Á þessu móti hefur Hjörvar Steinn Grétarsson dregið vagn Íslendinganna en tapaði núna illa fyrir skákkonu frá Georgíu og er lentur niður í 40. sæti. 

Hannes Hlífar er efstur Íslendinganna eða í 15. sæti. Landsliðsmennirnir eru annars í 25., 28. og í kringum 50. sætið.

Þá er engin von um að nokkur íslenski keppandinn nái sér í titil á mótinu.

Því fer að vera spurning af hverju verið sé að halda mót eins og þetta hér á landi. Það virðist fyrst og fremst vera fyrir útlendingana. Þeir hirða öll verðlaunin, sem eru rífleg, og þeir fá háar fúlgur fyrir það eitt að koma hingað upp og tefla.  

Og það er skattpeningur okkar sem fer í þessa eyðsluhít en Skáksambandið fær 15-20 milljónir á ári frá ríkinu í styrki, auk þess sem a.m.k. fimm stórmeistarar eru á launum hjá ríkinu, skákskóli rekinn á kostnað ríkisins og skákakademía á kostnað sveitarfélaganna (einkum Reykjavíkur).

Já, það hlýtur að vera hægt að verja peningunum okkar skattborgarana betur en þetta. 

Gæti orðið yngsti stórmeistari heims

Wolves að falla?

Allt lítur út fyrir að Úlfarnir séu að falla niður í ensku c-deildina eftir að hafa verið í úrvalsdeid í fyrra. Liðið hefur aðeins fengið tvö stig úr síðustu fimm leikjum!

Hætt er við að ferill Björns Bergmanns sé í hættu ef liðið fellur - og að örlög hans verði þá svipuð og bróður hans Jóhannesar Karls Guðjónssonar sem lauk atvinnuferli sínum í 3. deildinni ensku.

Þá virðist ferli Eggerts Jónssonar vera endanlega lokið en hann kemst ekki einu sinni í leikmannahópinn hjá þessu fall-liði. 

Aron Einar lagði upp mark í sigri

Þar fór það ...

Þar með er ljóst að kosningabarátta Vinstri grænna verður mjög erfið í vor. Nú er forystan endanlega búin að tapa andstöðunni í ESB málinu í hendur Framsóknar og Sjálfstæðisflokksins.

Þetta er sérstaklega grátlegg í ljósi þess að andstaðan við ESB einskorðaðist við Vinstri græna fyrir síðustu kosningar.

Og allt er þetta gert til að hanga í hjónasænginni með Samfylkingunni og vonast til að sambúðin endist fram yfir kosningar með hjálp Bjartrar framtíðar. Því miður eru litlar líkur á að það takist. Því er þessi vegferð ekki til fjárs.

Annars vekur athygli hve mjótt var á mununum í atkvæðagreiðslunni á landsfundinum eða 83 atkvæði gegn 72. Þetta sýnir að stór hluti landsfundarmanna hafa kosið gegn forystunni, sem ítrekað hefur tekið fram að hún vilji ljúka viðræðunum áður en málið verði sett í dóm kjósenda.

VG vill ljúka ESB-viðræðum